FILIPI 1:26 - Sura' Madatu

²⁶ anna sakerangngan-rangnganna tu kamisattuanangku tete dio Kristus, tu belanna kasaeangku.

FILIPI 1:26 Referans Kwoze

2 KORINTUS 1:14

susitu kamiissanangkimo sidi’, to kumua mipopassattuangkan, ten dukato tu kamu kipopassattuangkomi, ke alloNa Puangta Yesu.

2 KORINTUS 5:12

Tae’mo kila umpa’petendengan kaleki lako kamu, sangadinna la kibenkomi tu bannangna la minii ussattuangkan, anna den mipebalian lako to ussattuan kalena diona apa natiro mata, na tangngia diona apa lan lu ba’tang.

FILIPI 4:4

Tontongkomi parannu tete dio Puang, kutolepa pissan kupokada kumua: parannukomi.

FILIPI 3:3

Belanna kitari te tu umpogau’ sunna’ tongan, kitari tu menomba unturu’ PenaanNa Puang Matua, sia massattuan tu belanna Kristus Yesu, sia tang urrannuan a’gan tolino;

FILIPI 4:10

Lendu’ parannunna penaangku lan Puang, belanna iate undinnate, mipabu’tuomo sule tu pengkilalammi lako kaleku. Tonganna iato lendu’na, mikilalai sia tu iannato, apa tae’ palambi’mi.

FILIPI 3:1

Senga’pi to, e kamu sangsiulurangku, poparannukomi Puang. Iake kutolei ussurasangkomi tu apa mangka kupakilalangkomi, tae’ kupomasorroi to, ammi nii ungkanassai kapatonganammi.

2 KORINTUS 7:6

Apa Puang Matua tu umpakatana to umpamadiong penaanna, Ia duka umpakatanakan diona kasaeanna Titus;

YOHANES 16:24

Sae lako te totemo tae’ bangpa mipalaku apa tete dio sangangKu. Palakumi, ammi appa’i, nasundun tu kaparannuammi.

YOHANES 16:22

Susi kamu inang masussa misa’ding totemo te; apa la Kusitiroan pole’komi, anna parannu penaammi, na moi misa’ tau tae’ umbelai unnalai dio mai kalemi tu kaparannuammi.

PA’TENDENG BALLO 5:1

– Saemo’ lako pa’lak bungangku, e adingku, e dodo’ sangkalamma’ku, kururukmo tu murungku sia pebangki’ku, kukandemo tu tallo’ merangku sola tani’ enoangku, kuiru’mo tu uai anggoro’ku sia pangandu’ku. E mintu’ sangmaneku, la kumandekomi sia mangiru’, sanabossami, e sangmane karra’ku.

2 KORINTUS 7:4

Barani tongan penaangku ma’kada lako kalemi sia lendu’ kapassattuanangku belanna kamu. Nakabu’na’ pa’pakatana sia tang umpurana’ kaparannuan lan mintu’ kamaparrisangki.

2 KORINTUS 7:14

Belanna iake kusattuangkomi lako kalena lan apa sidi’, tae’ angku kasirisan, sangadinna susitu mintu’na mangka kipokada tu tonganna lako kalemi, susi dukamoto tu passattuangki lako Titus manassa tonganmo.

GALATIA 6:4

Apa pantan la ussudi penggauranna tu tau, namane ma’din ussattuanni tu diona kalena, tangia diona to senga’.