FILIPI 1:22 - Sura' Madatu

²² Apa iake tuona’ lan te kale iate, den bua’na lako pengkarangangku, tae’mo kuissanni, umbanna tu la kupilei;

FILIPI 1:22 Referans Kwoze

1 PETRUS 4:2

dikua anna lan mintu’ angge tuomipa, da mituru’ mintu’ kamailuan a’gan tolino, sangadinna pa’poraianNa Puang Matua.

GALATIA 2:20

Iatu tuoku te tangiamo aku umpoissanni, sangadinna Kristus tu tuo lan kaleku; apa iatu kupotuona lan kaleku totemo te, umpokatuoanna’ kapatonganan lako AnakNa Puang Matua, tu ungkamaseina’, sia ussorong Kalena belanna aku.

FILIPI 1:24

apa iake mari’pina’ lan te kale iate, la’bi kebattuan belanna kamu.

PENGGAURANNA RASULU’ 3:17

Na totemo, e kamu siulu’ku, kuissan kumua katangpaissanammi ammi pogau’i tu iannato susi bangsia pangulummi.

2 KORINTUS 10:3

Belanna moi angki tuo unturu’ a’gan lino, tae’ duka angki parari unturu’ a’ganna pa’kalean.

PA’PUDIAN 71:18

Iamoto da Mitampena’ sae lako matua indukku, sia ma’lullung bura-buraku, o Kapenomban, angku pa’peissananni tu kamawatangamMi lako to dadi totemo. Sia kuasamMi lako mintu’ osso’na to dadi undi.

KOLOSE 2:1

Kuporai ke miissanni kumua lendu’ mengkulleku belanna kamu sia belanna iatu to dio Laodikia sia mintu’ tu to tang untiropa lindoku diona te a’gan kale, –

ROMA 11:2

Tae’ Nasole’i Puang Matua tu taunNa, tu Naissan dolomo. Ba’tu tae’raka miissanni tu lan Sura’ Madatu tu dininna umpokadai tu diona Elia, tumbai anna pa’parampoanni tu to Israel lako Puang Matua, kumua:

KATASSURAN 32:1

Iatonna tiromi tu buda, kumua male’lanmo tu Musa mengkalao dao mai buntu iato, sirampunmi lako Harun nama’kada nakua: Maikomi migaragangkanni tu mai rapang-rapang dipodeata tu undoloangkan, belanna iatu Musa, tu to ussolangkan lan mai tondok Mesir, tae’mo kiissanni ba’tu umbamo nakua dadinna.

KADADIAN 39:8

Apa noka tu Yusuf anna ma’kada lako bainena puangna nakua: Iatu puangku tae’mo angku sola umpoissanni tu mintu’ apa lan banua, sangadinna iatu mintu’ apa naampui mangkamo nasorong tama limangku.

KADADIAN 21:26

Nakuami tu Abimelekh: Tae’ aku kuissanni minda mangka umpogau’i tu penggauran iato. Sia tae’ duka ammi pokadan lenna’, sia tae’ duka kurangi lenni tu iannato, sangadinna iamira te totemo.

ROMA 1:13

Tang matana penaangku ke tang miissanni, e sangsiulurangku, kumua ba’tu pempirammo’ la morai male mati’ – nasae lako totemo sakkalanganna’, – dikua angku kabu’tui dukai buanna dio mai kalemi susi dio mai to kapere’ senga’.

FILIPI 1:23

nasisukunnina’ te da’dua: mamali’ penaangku la male angku torro sisola Kristus, belanna iamo ma’iringanna melona to;