FILIPI 1:21 - Sura' Madatu

²¹ Belanna iatu tuoku lu lako nasang Kristus, na kamatean tu kamauparangku.

FILIPI 1:21 Referans Kwoze

GALATIA 2:20

Iatu tuoku te tangiamo aku umpoissanni, sangadinna Kristus tu tuo lan kaleku; apa iatu kupotuona lan kaleku totemo te, umpokatuoanna’ kapatonganan lako AnakNa Puang Matua, tu ungkamaseina’, sia ussorong Kalena belanna aku.

2 KORINTUS 5:8

Apa batta’ tu penaanta sia tala’biran untampei te kale iate, anta tama banuanNa Puang.

2 KORINTUS 5:1

Belanna taissan kumua iake dirondonnimi tu tenda tanii torro lan te lino, la unnappa’ki’ misa’ banua lu dio mai Puang Matua dao suruga, la tanii torro, tu tangngia panggaraga lima, sangadinna tontong sae lakona.

FILIPI 1:23

nasisukunnina’ te da’dua: mamali’ penaangku la male angku torro sisola Kristus, belanna iamo ma’iringanna melona to;

KOLOSE 3:4

Ianna dipapayan tu Kristus, tu katuoanta, la dipapayan dukakomi sola lan kamala’biran.

2 KORINTUS 5:6

Iamoto anta tontong umpabatta’ penaanta, belanna taissan kumua iake lanpiki’ te kale iate, sikambelaki’ Puang.

FILIPI 1:20

susitu kupiang-piangna sia kurannuanna, kumua tae’ kula kasirisan lan misa’ duka apa, sangadinna la batta’ tonganna’, susitu biasanna, susi dukato tu totemona, la dipakala’bi’ tu Kristus lan kaleku, la tuoku la mateku.

KADA OMBO’ LAKO RASULU’ YOHANES 14:13

Kurangimi misa’ gamara dao mai langi’ ma’kada nakua: Sura’i susite: Rongko’ tu mintu’ to matemo, iamotu to mate lan Puang randuk totemo. Ondongpi, nakua tu Penaa, iatu tau iato mai la umpelayoan tarru’mo kamasussanna; belanna mintu’ penggauranna undi urrondongi.

GALATIA 6:14

Apa dennoupa’ da’ angku massattuan, sangadinna ke diona kayu pea’ta’Na Puangta Yesu Kristus, ia dukamo bannangnato, anna iate lino tia’ta’mo, namateammo kaleku sia susi duka kaleku to lako te lino.

1 KORINTUS 1:30

Apa bannang dio mai Puang Matua ammi lan Kristus, tu mendadi kakinaan tapokinaa dio mai Puang Matua sia kamaloloan sia kadiseroian sia kadila’bakan;

FILIPI 2:21

Belanna pantan kalena manna natiroan, tangia diona Kristus Yesu.

1 KORINTUS 3:22

la Paulus, la Apolos la Kefas, la iate lino, la katuoan, la kamatean, la iatu denna totemo, ba’tu iatu la saena undinna, mintu’nato kamu nasang ampunna.

FILIPI 1:22

Apa iake tuona’ lan te kale iate, den bua’na lako pengkarangangku, tae’mo kuissanni, umbanna tu la kupilei;