FILIPI 1:20 - Sura' Madatu

²⁰ susitu kupiang-piangna sia kurannuanna, kumua tae’ kula kasirisan lan misa’ duka apa, sangadinna la batta’ tonganna’, susitu biasanna, susi dukato tu totemona, la dipakala’bi’ tu Kristus lan kaleku, la tuoku la mateku.

FILIPI 1:20 Referans Kwoze

1 PETRUS 4:16

apa iake denni misa’ narua kamaparrisan belanna Sarani, da anna masiri’, sangadinna iatu sanga iato la napakala’biran Puang Matua.

1 KORINTUS 6:20

Belanna mangkamokomi dialli melolo. Iamoto la mipake tu kalemi umpakala’bi’ Puang Matua.

YESAYA 54:4

Da mumataku’, belanna tae’ ammu kasirisan; da mumaila’, belanna tae’ ammu la matuna, sangadinna la mukalupaimo tu kamatunammu tommu mangura sia tang mukilalaimo tu kadibellerammu tommu balu.

1 TESALONIKA 5:23

Anna Puang Matuamora tu oto’na kamarampasan, umpamasero tangkarauangkomi; anna makalima’na penaammi sia deatammi sia batang kalemi la makarimman, naurunganni tae’ attanganna ke attu kasaeannami Puangta Yesu Kristus.

1 YOHANES 2:28

Totemo te, e anakku, manda’komi lan Kalena, kumua iake dipasombomi, la unnappa’ki’ kabattaran sia tae’ tala kasirisan dio oloNa, ke attu kasaeanNa.

FILIPI 2:17

Moi susinna anna dipato’do raraku dibolloan pemala’ sia pesuru’ kapatonganammi, parannu duka penaangku sia sende-sendena’ sisola kamu massola nasang,

ROMA 8:19

Belanna mintu’na angge maritik mamali’ tongan umpeagi kapayananna anakNa Puang Matua.

2 KORINTUS 10:8

Belanna moi sakusattu-sattuanna tu kuasa Napa’kamasean Puang lako kaleki, la umbangunangkomi tangngia kumua la ussongkangkomi, inang tae’ kula kasirisan.

2 KORINTUS 4:10

Tontong bangkanni umperasai tu kamaparrisan kamateanNa Yesu lan kaleki umba-umba kinii male, kumua anna payan duka lan kaleki tu katuoanNa Yesu.

1 KORINTUS 7:34

sia mentangke patomali tu penaanna. Iatu baine tang kemuane sia anak dara ungkaritutui ParentaNa Puang kumua anna masero, la kalena la penaanna. Apa iatu baine kemuane ungkaritutui apa lan lino, kumua umba la napakuanni anna porai muanena.

YESAYA 50:7

Apa Puangta PUANG untunduina’, iamoto anna tae’ angku matuna, sia ia dukamoto angku pasusii batu laulung tu lindoku, belanna kuissan, kumua tae’ angku la kasirisan.

PA’PUDIAN 119:116

Sande’na’ susitu pangallu’Mi, angku tuo, sia da Mieloranna’ kasirisan diona tu kapa’rannuangku.

ROMA 5:5

anna iatu kapa’rannuanan tae’ namepakasiri’, belanna mangkamo ditua’ tu kamamaseanNa Puang Matua tama penaanta tete dio Penaa Masallo’ tu dikamaseangki’.

YESAYA 45:17

Apa iatu to Israel la Nala’bak PUANG pela’bak matontongan; tae’ ammi la kasirisan sia matuna tontong sae lakona.

KOLOSE 1:24

Totemo parannuna’ diona te kamaparrisan kuperasai belanna kamu, sia kupaganna’ lan kaleku tu tang ganna’na pa mintu’ kamaparrisanNa Kristus, belanna batang kaleNa, iamotu kombongan.

ROMA 12:1

Iamoto, e kamu siulu’ku, kupakilalakomi tete dio kamamaseanNa Puang Matua, pennoloanni tu kalemi butung pemala’ tuo sia masero sia Naporai Puang Matua, iamoto tu kamenomban tu siolanan kakinaan.

FILIPI 1:14

Sia buda tu mai sangsiuluranta umporannuomo Puang diona tu kaditarungkuangku, anna sabatta’-batta’na tang mataku’ umpokadai tu kadanNa Puang.

2 KORINTUS 7:14

Belanna iake kusattuangkomi lako kalena lan apa sidi’, tae’ angku kasirisan, sangadinna susitu mintu’na mangka kipokada tu tonganna lako kalemi, susi dukamoto tu passattuangki lako Titus manassa tonganmo.

2 KORINTUS 5:15

Sia mateMo tu belanna mintu’ tau, kumua anna iatu to tuopa, da anna untuoan kalena, sangadinna la untuoanni tu To mangkamo mate sia malimbangun belanna iatu mai tau iato.

1 KORINTUS 15:31

E siulu’ku, kusisalamora kapassattuangku diona kamu tete dio Yesu Kristus, Puangta, ke la tang keallo-keallo narandannina’ kamatean.

ROMA 9:33

Susitu disura’ nakua: Tiromi, Kupalan Sion tu misa’ batu katitodoan sia misa’ buntu batu ma’pamatana’, naminda-minda umpatonganni tae’ nala kasirisan.

ROMA 6:19

– Ma’kada to linona’ umpokadai te iannate tu belanna kalanggaranna pa’kaleammi. – Belanna susitu kamangkammi umpopengkaunan lesoan kalemi lako kamaruttakan sia kabulitukan umpabu’tu kabulitukan, susi dukamoto totemo popengkaunammi tu lesoan kalemi lako kamaloloan umpabu’tu kamaseroan.

ROMA 6:13

sia da misorongi tu lesoan kalemi lako kasalan napoparea kakelokan, sangadinna sorongi tu kalemi butung to mate tuo sule, sia iatu lesoan kalemi lako Puang Matua napopareai kamaloloan.

PENGGAURANNA RASULU’ 21:13

Nakuami Paulus mebali: Apara ga’imi tumangi’ sia umparanggang penaangku? belanna aku te kukaringnganan tangia dipungo manna sangadinna dipatei duka dio Yerusalem tu belanna sanganNa Puang Yesu.

PENGGAURANNA RASULU’ 20:24

Apa tae’mora kuangga’ lenni tu penaangku kumua la denpi patunna lako kaleku, podo Naeloranna’ Puang Matua umpasundun passanan tengkoku sia iatu pentoean mangka Napadudunganna’ Puang Yesu, tu la ungkatottongi Kareba-kaparannuan diona pa’kamaseanNa Puang Matua.

YOHANES 21:19

Ia sia Nama’kada susito, la Nanii umpasomboi kumua kamatean tumbara la nanii Petrus umpakala’bi’ Puang Matua. Iatonna mangka umpokadai te, Nakuami lako Petrus: Undiko urrundu’Na’.

SARAMBU PEADA’ 23:18

iake susito, manassa la sae tu attu melo, sia tae’ mula ka’tu rannu.

SARAMBU PEADA’ 10:28

Iatu pa’rannuanna to malambu’ la umpabu’tu kasendean, apa iatu sissareanna to tang mekaaluk la putta.

PA’PUDIAN 119:80

Sangapaoi anna kalebu tallang tu penaangku umpengkaolai mintu’ apa Mipondok, da angku kasirisan.

PA’PUDIAN 62:5

Ia manna nabisara tu la umpasisayuranni kamala’biranna, naporai tau iato mai tu mo’rang; iatu pudukna ma’passakke, apa iatu penaanna ma’tampakki ropu. Sela

PA’PUDIAN 25:2

O Kapenombangku, Kamumo kukatappa’i; ke ma’dinni da angku kasirisan, sia da nasende paiman tu ualingku diona kataloangku.

PENGGAURANNA RASULU’ 4:31

Iatonna mangkamo massambayang, tiseno-senomi tu inan nanii sirampun, anNa ponnoi Penaa Masallo’ sola nasangi, anna batta’ umpokadai tu kadanNa Puang Matua.

2 KORINTUS 3:12

Belanna den rannungki susito, angki barani ma’kada-kada,

2 KORINTUS 7:4

Barani tongan penaangku ma’kada lako kalemi sia lendu’ kapassattuanangku belanna kamu. Nakabu’na’ pa’pakatana sia tang umpurana’ kaparannuan lan mintu’ kamaparrisangki.