FILIPI 1:14 - Sura' Madatu

¹⁴ Sia buda tu mai sangsiuluranta umporannuomo Puang diona tu kaditarungkuangku, anna sabatta’-batta’na tang mataku’ umpokadai tu kadanNa Puang.

FILIPI 1:14 Referans Kwoze

1 TESALONIKA 2:2

Tonganna kumua dolona umperasaikan kamaparrisan sia kadipakario-rioan dio Filipi, susitu miissanna, apa tete dio Kapenombanta angki barani duka umpa’peissananni tu Kareba-kaparannuanNa Puang Matua lako kalemi, moi anna lan peatang maparrang.

LUKAS 1:74

iake lessu’miki’ dio mai mintu’ ualinta, tae’mo tala mataku’ mengkaorong lako alukNa;

KOLOSE 4:4

Angku pasomboi tu iannato, susitu sipato’na la kupokada.

FILIPI 1:7

Inang sipato’na’ la ma’timbang susito tu diona kamu sola nasang, belanna kupalan ara’komi, pa kamu sola nasang pada-padaki’ unnappa’ pa’kamasean, la iatongku dirante bassi, la iatongku umpebalian sia umpamanassai tu Kareba-kaparannuan.

KOLOSE 4:7

Mintu’na tu torro ke’de’ku la napokadangkomi Tikhikus, tu siulu’ dipakaboro’, sia to ma’kamaya maruru’, sangayokaku lan pentoeanNa Puang.

FILIPI 4:1

Iamoto, e sangsiulurangku tu kupakaboro’ sia kukamali’, tu kupoparannu sia kupomakota, susinnamirato bantangkomi lan kasiturusanna Puang, e pa’kaboro’ku.

EFESUS 3:13

Iamoto kupalakui lako kalemi, da naporanggangi penaammi tu kamaparrisangku diona kamu, belanna iamo mipomala’bi’.

2 KORINTUS 3:12

Belanna den rannungki susito, angki barani ma’kada-kada,

2 KORINTUS 7:4

Barani tongan penaangku ma’kada lako kalemi sia lendu’ kapassattuanangku belanna kamu. Nakabu’na’ pa’pakatana sia tang umpurana’ kaparannuan lan mintu’ kamaparrisangki.

FILIPI 1:20

susitu kupiang-piangna sia kurannuanna, kumua tae’ kula kasirisan lan misa’ duka apa, sangadinna la batta’ tonganna’, susitu biasanna, susi dukato tu totemona, la dipakala’bi’ tu Kristus lan kaleku, la tuoku la mateku.

2 TIMOTIUS 2:9

Belanna iamira tu iannato angku perasai kamaparrisan, kuurunganni dirante bassi butung to sala’ kedo, apa iatu kadanNa Puang Matua tae’ nabelai dirante bassi.

MARKUS 3:3

Nakuami Yesu lako tu to kope limanna sangbali: Ke’de’ko lan tangnga-tangnga.