FILIPI 1:13 - Sura' Madatu

¹³ naurunganni iatu kadiranteangku nakanassai mintu’ surodadu pa’kampa tongkonan layuk sia to senga’, kumua Kristus napobannang.

FILIPI 1:13 Referans Kwoze

2 TIMOTIUS 2:9

Belanna iamira tu iannato angku perasai kamaparrisan, kuurunganni dirante bassi butung to sala’ kedo, apa iatu kadanNa Puang Matua tae’ nabelai dirante bassi.

EFESUS 3:1

Iamora bannangnato anna aku te Paulus, to dirante bassi diona Kristus Yesu belanna to kapere’,

FILIPI 1:7

Inang sipato’na’ la ma’timbang susito tu diona kamu sola nasang, belanna kupalan ara’komi, pa kamu sola nasang pada-padaki’ unnappa’ pa’kamasean, la iatongku dirante bassi, la iatongku umpebalian sia umpamanassai tu Kareba-kaparannuan.

EFESUS 6:20

Belanna iamora tu Kareba-kaparannuan angku dadi to pasumbungan puduk tu dirante bassi, angku barani ma’kada-kada umpa’peissananni, susitu inang pato’na la kupokada.

PENGGAURANNA RASULU’ 26:29

Nakuami Paulus: Kupalaku ria langngan Puang Matua, kumua nala madomi’ nala salako-lakona tae’ na kamu manna, sangadinna ia duka tu mintu’ to urrangimo’ te allo iate, ke ma’dinni la susina’, sangadi iate pepungo tae’ iato.

FILIPI 4:22

Salama’na mintu’ to masallo’ mati’ kalemi, ma’ondonganna dio mai to lan tongkonan layukna datu kapua.

PENGGAURANNA RASULU’ 28:30

Torromi tu Paulus lan banua nasewai sae lako ganna’na duang taun, sia napakendek langngan banuanna tu mintu’ to sae umpessitiroi,

PENGGAURANNA RASULU’ 28:20

Iamoto angku tambaikomi sae indete la moraina’ untiro rupammi sia ma’kada lako kalemi; belanna iamira tu narannuanna to Israel angku dipaluangi te rante bassi.

PENGGAURANNA RASULU’ 28:17

Tallung allo lendu’na natambaimi sirampun tu mai to pekaamberan to Yahudi. Iatonna sirampunmo ma’kadami nakua lako tau: E kamu siulu’ku, tonganna aku te tae’ bang kupogau’i misa’ tu untingoinna bangsata ba’tu atoran sukaran aluk to dolota, apa mentoditarungkumo’ angku disorong dio mai Yerusalem lako to Roma.

PENGGAURANNA RASULU’ 26:31

na iatonna memboko’mo sipa’kada-kadami, nakua: Tae’ bangra napogau’ tu tau iatu, tu sipato’na la dinii umpatei ba’tu untarungkui.

EFESUS 4:1

Iamo bannangnato, anna aku te to dirante bassi belanna Puang malaku lako kalemi, kumua ammi pasitende’i gau’mi tu petamba ditambangkomi.

FILIPI 1:30

sanggundangan lan kadipakario-rioan tu mangka mitiro diona aku sia tu miranginna totemo diopa kaleku.