ESTER 9:4 - Sura' Madatu

⁴ Belanna iatu Mordekhai tarompo’mo lan tongkonan layukna datu sia kaleleammo lan lu mintu’ propinsi, ondongpi iatu Mordekhai, pia muane iato, samasai-sainna sakendek-kendekna kapaanna.

ESTER 9:4 Referans Kwoze

1 OSSORANNA DATU 11:9

Samasai-sainna satarompo’-rompo’nami tu Daud sia Narondong PUANGna mintu’ ma’dandan maritik.

2 SAMUEL 3:1

Masaimo tu kasirarianna rapunna Saul na rapunna Daud, apa samasai-sainna samatoto’-toto’na tu Daud, na iatu rapunna Saul samoro’-moro’na.

ZEFANYA 3:19

Manasa attu iato la Kupapakkanni tu mintu’ to umpakario-rioko, apa la Kurampanan tu to gento sia la Kurampun tu to tisambo’, belanna la Kupadadi misa’ kadipudian sia sanga kalelean tu tau iato mai, iamo tu to kaissanan siri’na lan mintu’ lino.

SARAMBU PEADA’ 4:18

Apa iatu lalanna to malambu’ susito arrang bu’tu melambi’, samasai-sainna saparrang-parrangna sae lako masiangna tongan.

PA’PUDIAN 18:43

Kunisak-nisakmo tu tau iato mai butung to barra’-barra’ napentiaran angin, sia kulullu’-lullu’ ten to so’mak dio lu lalan.

PA’PUDIAN 1:3

Belanna sangtinti ia kayu, ditanan dio to’ randan lalan uai, tu membua ke nalambi’mi attunna, sia tang malayu tu daunna, sia mintu’ tu mai napogau’na, umpabu’tuanni kameloan.

1 OSSORANNA DATU 14:17

Kaleleammi tu sanganna Daud lako mintu’ tondok, anNa pasaei PUANG tu katirambanan lan penaanna mintu’ bangsa ungkataku’ Daud.

1 SAMUEL 2:30

Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.

YOSUA 6:27

Narondongmi PUANG tu Yosua sia kalelean tu sanganna lan lu mintu’ tondok.

MATIUS 4:24

Tiseno-senomi karebanNa dio mintu’ lili’na tana Siria; nabaami tau lako Kalena tu mintu’ to mandalan sakinna, tu narua ma’rupa-rupa saki sia pa’di’, tu mai to natamai deata bulituk sia to ta’taran sia to kupi’; anNa pamalekei.

YESAYA 9:7

Napasonglo’mo Puang tu misa’ kada lako Yakub, nata’pa lan Israel.

ESTER 10:2

Iatu mintu’ penggauranna tu tarompo’ sia mawatang sia kareba umpokada nasangi tu diona kataromposan, tu nanii datu umpakala’bi’ Mordekhai, tang tisura’moraka lan sura’ ossoranna mintu’ datu Media sia Persia?

KATASSURAN 11:3

Tete dio pa’poraianNa PUANG anna kasokanni to Mesir tu to Israel, ondongpi iatu Musa to paa lan tondok Mesir, nakasiri’ mintu’ to mase’ponna Firaun sia mintu’ to Mesir.

PA’PUDIAN 92:13

Iatu to malambu’ la lobo’ ten to koroma, sia la longke butung kayu arasi’ dio Libanon: