ESTER 9:30 - Sura' Madatu

³⁰ Umpakatumi sura’ lako mintu’ to Yahudi lan saratu’ duangpulo mpitu propinsi kadatuanna Ahasweros tu nanii passalama’ sia kada kamarurusan,

ESTER 9:30 Referans Kwoze

ESTER 1:1

Iatonna linona Ahasweros, iamotu Ahasweros, tu umparenta saratu’ duangpulo mpitu propinsi, randuk dio India sae lako Etiopia,

ESTER 8:9

Attu ia dukato tonna allo ma’duangpulo ntallu bulan ma’pentallunna – iamotu bulan Siwan – ditambaimi tu to massura’na datu, anna sura’i tu mintu’ apa napa’pepasanan Mordekhai, diparampo lako to Yahudi sia lako tomaraa lompo sia lako tomaraa sia lako arungna propinsi, randuk dio mai India sae lako Etiopia den saratu’ duangpulo mpitu propinsi, pantan simisa’ propinsi disura’ lan passura’na sia simisa’ bangsa disura’ lan basana, susi duka lako to Yahudi lan passura’na sia lan basana.

ZAKHARIA 8:19

Inde sia tu kadanNa PUANGna mintu’ ma’dandan maritik, Nakua: Iatu pa’puasa lan bulan ma’penna’pa’na, ma’pellimanna, ma’pempitunna sia ma’pessangpulona la membali kasendean sia kaparannuan, ondongpi pa’maruasan ponno kapaimanan lako to Yehuda; iamoto sipatu la mikamali’ tu tonganna sia karapasan.

YESAYA 39:8

Ma’kadami Hizkia lako Yesaya, nakua: Melo tu kadanNa PUANG tu mipokada. Sia nakuapa: La tontongpa tu kamarampasan lan mintu’ allo katuoangku.

KADADIAN 23:1

Iatu Sara saratu’ duangpulo mpitu taunna, iamo angge tuona Sara.

PA’PUDIAN 73:27

Belanna mintu’ to untoyangammoKomi, manassa la sanggang, ondongpi, iatu to untampeKomi ma’baliara’ senga’ la Miroto’i.

YESAYA 32:17

Iatu buanna kamaloloan iamotu kasikaeloan sia iatu poleanna kamaloloan iamo kasode-sodean sia karapasan tontong sae lakona.