ESTER 6:10 - Sura' Madatu

¹⁰ Ma’kadami datu lako Haman nakua: Madoi’ko unnalai tu pakean sia darang, susitu mangka mupokada, ammu pogau’i susito lako Mordekhai, to Yahudi, tu unno’ko’ lan babangan datu. Moi misa’ tae’ muma’din tang umpogau’i dio mai tu mintu’ apa mangka mupokada.

ESTER 6:10 Referans Kwoze

KADA OMBO’ LAKO RASULU’ YOHANES 18:7

Tumba tu kaumpamadoanna kalena sia kasolleranna, pada dukato tu kamaparrisan sia tangi’ la mibenni, belanna nakua lan penaanna: Unnisungna’ susi datu baine; tangiana’ to balu, sia inang tae’ angku la sitiro katumangiran.

LUKAS 14:11

Belanna minda-minda umpamadoan kalena, iamo la dipamadiongan, na minda-minda umpamadiongan kalena, iamo la dipamadoan.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

2 DATU 10:10

La miissan kumua moi sangbuku kada tae’ tang dadi tu mintu’ kadanNa PUANG tu apa Napokada PUANG la urrampoi bati’na Ahab; na sundunni PUANG tu apa Napokada nalopian Elia, taunNa.

ESTER 6:9

Na iatu pakean sia iatu darang la dipatoei sala umbannai tu mintu’ arungna datu, iamotu sala umbannai tu tau mala’bi’na, kumua anna papakei sia napakendekki langngan darang tu tau iato, tu nakalo’ penaanna datu la dipakala’bi’ sia narendenni tau tu darang nasakei unnolai tana lapang kota, anna metamba-tamba dio olona, nakua: Susimo dipogaurannito tu tau nakalo’ penaanna datu dipakala’bi’.

ESTER 6:11

Naalami Haman tu pakean sia darang iato, anna papakei tu Mordekhai, anna rendenni unnolai tana lapang kota, nametamba-tamba dio olona nakua: Susimo dipogaurannito tu tau nakalo’ penaanna datu dipakala’bi’.

PA’PUDIAN 31:24

Kamali’mi tu PUANG e mintu’ to Naala mase; Narinding pala’ PUANG tu to maruru’, apa iatu to umpogau’ kamatampoan Napapakkanni kapua.