ESTER 5:4 - Sura' Madatu

⁴ Ma’kadami Ester nakua: Iake nakalo’i penaanna datu, nasae tu datu sola Haman allo iate lako pa’maruasan tu mangka kupasakkaran datu.

ESTER 5:4 Referans Kwoze

SARAMBU PEADA’ 29:11

Iatu tobaga umbarrakan bang mintu’ kasengkeanna, apa iatu to kinaa umpadapa sia umpa’dei kasengkeanna.

ESTER 5:8

Iake denni kamaturu-turuanna datu lako kaleku sia nakalo’i penaanna datu la umpasituru’i tu palakungku sia umpasiolai tu apa kukamorai, ke ma’dinni nasaepa tu datu sola Haman lako pa’maruasan, tu la kupasakkarangkomi; namasiangpa angku pogau’i susitu napokadanna datu.

1 KORINTUS 14:20

E, kamu siulu’ku, da mimapia-pia lan tangnga’mi, sangadinna lan kakadakean sipatukomi la mapia-pia; apa lan tangnga’mi sipatukomi la matona’.

PA’PUDIAN 112:5

Maupa’ tu to mamase sia masorok ma’pasuka’, sia to ungkareai melo tiku rindingna.

ESTER 3:15

Male nasangmi tu mintu’ pambaa sura’ malinta’ lumingka umpakasia’ tonganni unturu’ parentana datu, sia dipa’peissanan lan kota benteng Susan tu atoran iato. Sia iatonna marassan tu datu sola Haman ma’dokko mangiru’, narampoimi kamaramban tu kota Susan.

KADADIAN 32:20

Sia la mikua: Iatu kaunanmi Yakub undi dio mai boko’. Belanna nakua tu Yakub lan penaanna: la kusa’po pamengan tu penaanna, tu dipopennolo kumane rampo, mangkato kumane ussitiroanni, nakambaroan siana’ manii.

KADADIAN 27:25

Nakuami Ishak: Painde-indeanna’, angku kandei tu pangula’na anakku sia anna ponno penaangku umpassakkeko. Napadio-dioammi, anna kandei Ishak. Nabenmi uai anggoro’, anna iru’i.

ESTER 5:3

Ma’kadami datu lako nakua: Apara mutungkanan datu baine Ester, sia apara mukamorai? Moi nasesena te kadatuan kuben dukako.

ESTER 5:5

Ma’kadami tu datu lako tau nakua: Tambai tu Haman madoi’, anta turu’i tu palakunna Ester. Saemi tu datu sola Haman lako pa’maruasan tu napasakka’ Ester.

ESTER 1:9

Ia duka tu Wasti, datu baine, umpogauran pa’maruasan mintu’ baine lan tongkonan layukna datu Ahasweros.