ESTER 3:15 - Sura' Madatu

¹⁵ Male nasangmi tu mintu’ pambaa sura’ malinta’ lumingka umpakasia’ tonganni unturu’ parentana datu, sia dipa’peissanan lan kota benteng Susan tu atoran iato. Sia iatonna marassan tu datu sola Haman ma’dokko mangiru’, narampoimi kamaramban tu kota Susan.

ESTER 3:15 Referans Kwoze

ESTER 8:15

Tassu’mi tu Mordekhai ma’pake pakean kadatuan ma’rupa lango-lango sia lenang, ma’tali bulaan sia ma’bayu lamba’ lenang mellong sia lango-lango makaseda. Siarrakammi sia parannu-rannumi tu mintu’ to lan Susan.

YOHANES 16:20

Tonganna tongan Kukua mati’, kumua la tumangi’komi sia umbating, apa iatu issinna te lino parannu; iate kamu te la masussakomi, apa iatu kamasussammi la membali kaparannuan.

KADA OMBO’ LAKO RASULU’ YOHANES 11:10

Mintu’ tu to untorroi kuli’na padang umpoparannui sia sende-sende sia siben ben apa, belanna iatu nabi sola duai umpakario-rio mintu’ to untorroi kuli’na padang.

AMOS 6:6

Tu unniru’ uai anggoro’ lan mai balubu sia umperruda’ minna’ tu mandu melo, apa tae’ mipalan penaai tu karo’pokanna Yusuf!

HOSEA 7:5

Iatonna allo kapuana datunta, napelangoi uai anggoro’ tu mai arung. Natadoan limanna tu to tae’mo apa nadampang.

SARAMBU PEADA’ 29:2

Iake sakerang-rangngannai kamatotoranna tu to malambu’ parannu tu to buda, apa iake ma’parentai tu to tang mekaaluk, sumarro tu to buda.

SARAMBU PEADA’ 4:16

Belanna tae’ namamma’ tu tau iato mai, ke tae’pi napogau’ kadakena; sia tae’ natikkaru’du’ ke tae’pi nasongkan tau misa’.

SARAMBU PEADA’ 1:16

belanna iatu lette’na tau iato mai ma’dondo lako kakadakean sia matira’ la umpatibollo rara.

ESTER 4:16

Malekomi mirampunni tu mintu’ to Yahudi lan Susan, ammi ma’puasa tallungallo belanna aku, da mikumande sia mangiru’ la bonginna la allona. Ia duka tu aku sola mintu’ to ma’kamayaku baine la ma’puasakan, namangkato kumane male mennolo lako datu, moi na tangia atoran; iake la kuposanggangi, da’ito kusanggang.

1 DATU 14:27

Nagaragami Rehabeam tu ba’tu pira-pira balulang tambaga la sondana, anna patageranni kamandang to ma’kampa, tu ungkampai babangan tongkonan layukna datu.

KADADIAN 37:25

Mangkato nno’ko’mi sola nasangi la ungkande roti. Nabangunammi tu matanna anna tiroi, tu to ma’patteke’ unta, to Ismael lu dio mai Gilead sibaa untana napatteke’i lite sia pebangki’ sia kamanian, la ma’palulako Mesir.

ESTER 1:10

Iatonna allo ma’pempitu, parannumi tu penaanna datu napobua’ anggoro’, anna mesua lako Mehuman, Bizta, Harbona, Bigta, Abagta, Zetar na Karkas, pitui tu to mase’ponna datu, tu umparakai datu Ahasweros,

PA’PUDIAN 37:7

Parapa’i tu penaammu dio oloNa PUANG sia tayanNi; da mukaredei tu to maupa’ lalanna, sia iatu umpalolang tangnga’ kelok.

SARAMBU PEADA’ 31:4

Tang sipatu tu mai datu, e Lemuel, tang sipatu tu mai datu, ke pa’anggoro’i, sia iatu mai to paa ungkaduangi pangiru’ palango,