ESTER 2:10 - Sura' Madatu

¹⁰ Iatu Ester tae’ napokadai tu bangsana sia iatu rapu nanii bu’tu, belanna napasan Mordekhai, kumua da napa’petandanni.

ESTER 2:10 Referans Kwoze

MATIUS 10:16

Pengkilalai, Kusuakomi male susi domba lako to’ guruk. Iamoto, dadi la ma’tangnga’komi susi ula’, sia la ma’bulo sanglampa, susi bu’ku.

ESTER 2:20

Apa tae’ napa’peissananni Ester tu rapunna sia bangsana, susitu napasan Mordekhai lako kalena, belanna tontong natoe manda’ Ester tu mintu’ kadanna Mordekhai, susitonna diopa kalena.

EFESUS 6:1

E kamu mintu’ pia, turu’i tu kadanna indo’ ambe’mi tete dio Puang, belanna inang iamo sipato’na to.

ESTER 3:8

Ma’kadami Haman lako datu Ahasweros nakua: Den misa’ bangsa tu tisambo’ sia umpamarimbangan kalena dio lu mintu’ bangsa lan mintu’ propinsi lan kadatuanna puang, sia iatu atoranna bangsa iato sisengaran atoranna mintu’ bangsa, sia iatu atoranna datu tae’ naturu’i, iamoto tae’ nasipatu la naeloran datu torro manaman.

ESTER 7:4

Belanna kami te mangkamokan dibaluk la aku la bangsaku, la disanggangi, dipatei sia disabu’i. Moronganna angki la dibaluk la mendadi kaunan sia kaunan baine, manassa la kappana’, apa iate kamandasan iate tae’ padanna tu mintu’ apa umparugi datu.

ESTER 2:7

Iatu Mordekhai iamo ambe’ passarakna Hadasa, tu Ester pa’gantiananna, baine anakna pa’amberanna, belanna tae’mo indo’ ambe’na tu pia iato; na iatu anak dara iato melo garaganna sia maballo pantarisanna. Iatonna matemo tu indo’ ambe’na, naala anakmo Mordekhai.

ESTER 2:11

Kiallo-kiallo messule-sule bang lendu’ tu Mordekhai dio tingayo tarampak banua baine la unnissanni diona tu kamalaga’-lagaranna Ester sia iatu apa la dadi lako kalena.

RUT 3:6

Malemi rokko to’ panglulluran, napogau’i tu mintu’ apa napasananni matusanna.