ESTER 1:19 - Sura' Madatu

¹⁹ Iamoto iake napasiolai puangku, la tassu’ tu misa’ parenta dio mai olona puangku, anna disura’ tu parenta iato lan atoran to Persia sia to Media, tu tang ma’din diriu’ sule, kumua iatu Wasti tae’mo nama’din umpennoloi datu Ahasweros sia iatu kamala’biranna la napa’kamasean puangku lako to senga’, tu mandu melo na ia.

ESTER 1:19 Referans Kwoze

ESTER 8:8

Totemo la massura’komi diona to Yahudi tu misanganna melo tete dio sanganna datu, ammi ca’i sissin peca’na datu; belanna misa’ sura’, tu disura’ tete dio sanganna datu sia dica’ sissin peca’na datu tae’mo nama’din diriu’ sule.

1 SAMUEL 15:28

Nakuami Samuel lako: Allo ia dukate, anNa alai PUANG tu kadatuan Israel dio mai kalemi, Nakamaseanni to senga’ tu melo anna kamu.

ESTER 8:5

Ma’kadami nakua: Iake nakalo’i penaanna datu sia den kamaturu-turuanna datu lako kaleku sia iake nasangai datu tongan sia iake naalana’ penaanna datu, melo ke dipakatui misa’ sura’ tu la untaeranni tu mintu’ sura’ tu nanii pa’tangngaranna Haman, to Agag, anakna Hamedata, tu nasura’ kumua la ussabu’i mintu’ to Yahudi lan mintu’ propinsi tu naparenta datu.

DANIEL 6:17

Mesuami tu datu, namale tu tau unnala Daniel, napembuanganni rokko lo’ko’ singa. Ma’kadami tu datu lako Daniel nakua: Na Kapenombammumora tu tontong mupenombai, Iamo la urrampanangko.

ESTER 3:9

Iake nakalo’i penaanna datu melo ke dipatassuranni misa’ sura’ parenta la ussabu’i tu tau iato mai; na akumora untimbanganni sangpulo sa’bu talenta salaka tu to untoe toean la umpatamai pangrampunan doi’na datu.

1 DATU 3:28

Iate pangra’ta’na datu narangi mintu’ to Israel, nakabangnga’mi tu datu, belanna natiro kumua den kamatarrusanNa Puang Matua lan ba’tengna, la ma’paolai salu.

ESTER 1:21

Nasangamo datu sola mintu’ arung melomote pa’timbangan iate, napogau’mi datu susitu pa’timbanganna Memukan.

ESTER 1:18

Randuk allo iate iatu mintu’ bainena arung to Persia, sia to Media, ke narangii tu gau’na datu baine iato, manassa la ma’kada susite lako mintu’ arungna puangku, naurungan tang dipura tu kadibe’sean sia kasengkean.

ESTER 2:1

Undinnato, tonna meremo tu kare’dekan ara’na datu Ahasweros, nakilalaimi datu tu Wasti sia iatu apa napogau’ sia iatu apa mangkamo dira’ta’ la dipogau’ lako kalena.