DANIEL 9:3 - Sura' Madatu

³ Mentingaramo’ langngan Puang Kapenomban la massambayang sia mengkamoya angku ma’puasa sia ma’karoro’ sia undudung barra’-barra’.

DANIEL 9:3 Referans Kwoze

YEREMIA 33:3

Meongli’ko lako Kaleku, angKu pebaliiko sia la Kupokadangko tu apa kapua tu tang dipebuyu’, tu tae’ mutandai.

ESTER 4:16

Malekomi mirampunni tu mintu’ to Yahudi lan Susan, ammi ma’puasa tallungallo belanna aku, da mikumande sia mangiru’ la bonginna la allona. Ia duka tu aku sola mintu’ to ma’kamayaku baine la ma’puasakan, namangkato kumane male mennolo lako datu, moi na tangia atoran; iake la kuposanggangi, da’ito kusanggang.

EZRA 9:5

Apa iatonna dipemalarammo tu pemala’ makaroen, ke’de’mo’ diong mai to’ kuninna umpamadiongan kaleku, angku malinguntu’ ma’kameja serek sia ma’bayu lamba’ serek, sia umballa’ pala’ku lako PUANG, Kapenombangku,

EZRA 10:6

Mangkato ke’de’mi tu Ezra dio mai tingayo banuanNa Puang Matua, anna male tama bilikna Yohanan, anakna Elyasib, tu nanii ma’bongi; tae’ nakumande sia tae’ namangiru’, belanna masussa penaanna natumang katangmarurusanna to sule dipali’.

EZRA 8:21

Attu iato kupetambammi inde to dio biring salu Ahawa tu misa’ pa’puasa la umpopengkadiongan kaleki dio oloNa Kapenombanta, la umpalakui lako Kalena angki malaga-laga’ lan kalingkangki sola anakki sia mintu’ barang apangki.

PENGGAURANNA RASULU’ 10:30

Nakuami Kornelius: Dikua patang bongi’, susimo allo to, te’te’ tallu makaroen, angku massambayang lan banuangku; pakalan denmi tau misa’ ke’de’ dio tingayoku ma’pakean pandillak-dillak,

LUKAS 2:37

balumo na umbai karuamo pulona nna’pa’ taunna; tae’ bang namemboko’ lan mai banuanNa Puang Matua umpenombai Puang Matua, ma’puasa bang sia massambayang keallo kebongi.

YOËL 2:12

Apa moi totemo den dukapa tu kadanNa PUANG, Nakua: Palantuk tonganni tu penaammi mengkatoba’ lako Kaleku situang ma’puasa sia tumangi’ sia umbating.

YOËL 1:13

Ma’tambeke’komi sia unnurrukkomi, e kamu mintu’ to minaa; sumarrokomi e mintu’ to untoe pentoean dio inan pemalaran; maikomi ammi ma’bongi ma’pote dibolong, e kamu to untoe pentoeanna Kapenombangku, belanna iatu kande dipemalaran sia pemala’ pantedok dipatoyang dio mai banuanNa Kapenombammi.

YEHEZKIEL 36:37

Inde sia tu kadanNa Puangta PUANG, Nakua: Iate iannate la Kupalalo duka tu pengkamoyana to Israel, kumua la Kupopemba’ka’ tu tau iato mai, na iatu bilanganna la pada tuntunan domba budanna.

PA’PUDIAN 35:13

Apa iatu aku tonna masaki tau iato mai, ma’pakean karoro’na’, umpandasana’ kaleku ma’puasa, sia tu’tun tama ara’ku tu ulungku massambayang.

DANIEL 6:10

Iamoto nasura’mi datu Darius tu sura’ parenta sola atoran iato.

NEHEMIA 9:1

Iatonna allo ma’penduangpulona nna’pa’ bulan iato saemi sirampun tu mintu’ to Israel nama’puasa sia ma’pote dibolong sia nanii barra’-barra’ tu ulunna.

YESAYA 22:12

Manassa allo iato Natambaimokomi Puang, PUANGna mintu’ ma’dandan maritik, la tumangi’ sia la umbating, sia la ma’galettung sia la ma’pote dibolong.

DANIEL 9:2

tonna taun pamulanna kadatuanna, iate aku, Daniel, kuparessa tonganmi lan lu ba’tu pira-pira sura’ tu bilangan taun, diona tu napomangka kadanNa PUANG rampo lako nabi Yeremia kumua Puang umpadaun lauanni tu Yerusalem pitung pulo taunna.

DANIEL 9:4

Massambayangmo’ langngan PUANG, Kapenombangku sia mangaku sala, kukua: O Puang, Puang Matua pasareongan sia metakuran, tu ungkanana’i basse sia kamasokanan lako tu mintu’ to ungkamali’Komi sia ungkaritutui pepasanMi.

DANIEL 9:20

Marassan bangsiapa’ ma’kada sia massambayang sia unnaku kasalangku sia kasalanna bangsaku to Israel sia umbarrakan pengkamoyaku langngan PUANG, Kapenombangku, diona buntu maindanna Kapenombangku,

YUNUS 3:5

Napatonganmi to Niniwe tu Puang Matua, anna sangra’banan metamba, kumua anna ma’puasa tu tau, pantan ma’pakean karung randuk dio mai kapuanna sae lako bitti’na.

2 SAMUEL 12:16

Mengkamoyami tu Daud lako Puang Matua tu diona pia iato sia ma’puasa sia mamma’ diong padang situ’turan bongi.

AYUB 42:6

Iamoto kuriu’ sulei tu kadangku, angku mengkatoba’ unno’ko’ diong to’ barra’-barra’ sia to’ au.

MATIUS 17:21

(Apa iatu ianna te tae’ nama’din sun moi dipatumba, sangadi massambayangpiki’ sia ma’puasa.)