DANIEL 8:21 - Sura' Madatu

²¹ Na iatu bembe’ laki, kalando bulunna, iamo datu Yunani, na iatu tanduk kapua dio pararra’ matanna, iamo bunga’ datunna.

DANIEL 8:21 Referans Kwoze

DANIEL 11:3

Sia la bendan misa’ datu lalong, tu la kapua kaparentanna sia la umpogau’ lalan inaanna.

DANIEL 10:20

Ma’kadami nakua: Mutandairaka, ma’apari kusaera lako kalemu? Ta’pa’ la sulena’ sirari arungna to Persia, na iake tassu’mo’ inde to dio mai, manassa la saemo tu arungna tondok Yunani;

DANIEL 8:20

Iatu domba laki, tu mangka mutiro, da’dua tandukna, umpatu datu Media sola Persia.

DANIEL 8:22

Le’tomi tu tanduk kapua iato, nabu’tu a’pa’ sondana, iamotu a’pa’ kadatuan la bu’tu lan mai bangsa iato, apa tae’ anna matoto’ susi datu bunga’na.

DANIEL 11:2

Totemo la kupokadangko tu kamanapparan. Manassa tallupa tu datu la bendan lan Persia na iatu to ma’penna’pa’na la kapuapa kasugiranna na iatu mintu’ senga’na, sia iake matoto’mi tete dio kasugiranna, la napatiangka’ tu mintu’na ullaoi tu kadatuan Yunani.

DANIEL 2:39

Undinna nakamu la bu’tu misa’ kadatuan senga’, tu tae’ napada kamala’birammi; namane misa’ kadatuan senga’ pole’o, iamotu ma’pentallunna, tu tambaga, iamoto tu la umparenta mintu’ lino.

DANIEL 7:6

Undinnato kutiro tu misa’ olo’-olo’ senga’ susi misa’ arimau bulu, a’pa’ tu pani’ manuk-manuk dao boko’na sia a’pa’ tu ulunna; disorongmi lako tu kaparentan.

ZAKHARIA 9:13

Belanna la Kue’teran Kaleku tu Yehuda susito pana, la Kupatorro dao pana tu Efraim, sia la Kusarrang tu anakmu, e Sion, sirari anakmu, e Yunani, sia la Kupadadiko misa’ padangna to lalong.