DANIEL 8:16 - Sura' Madatu

¹⁶ Sia kurangi tu gamara tau daona lu Ulai, tu nakua: E Gabriel! battuananni lako tau iate tu patiro mendeata iato.

DANIEL 8:16 Referans Kwoze

LUKAS 1:26

Iatonna bulan ma’pennannanmo Nasuami Puang Matua tu malaeka’ Gabriel lako misa’tondok dio Galilea, disanga tondok Nazaret,

LUKAS 1:19

Mebalimi malaeka’ lako nakua: Akumote tu Gabriel, biasana’ bendan dio oloNa Puang Matua, nasuamo’ sae ussipa’kadangko umparampoi te kamauparan iate lako kalemu.

DANIEL 8:2

Kutiromi lan patiro mendeata, – diona’ kota Susan ditambakuku dio propinsi Elam, tongku tiroi tu iannato, – kutiro lan patiro mendeata iato, kumua, diona’ biring salu Ulai.

KADA OMBO’ LAKO RASULU’ YOHANES 22:16

Akumote tu Yesu mangka ussua malaeka’Ku la ungkatottongi lako kalemi tu mintu’ apa iate lan mintu’ kombongan. Akumo tu una’na sia tarukna Daud, sia bintoen sulo melambi’ pandala-dala.

IBRANI 1:14

Tangiaraka kumua mintu’na tu malaeka’ iamo penaa mengkaola lako Puang Matua, tu disua ungkamayai tolino, la umpomana’ kasalamaran?

PENGGAURANNA RASULU’ 10:13

Saemi gamara ma’kada lako nakua: E, Petrus, ke’de’ko, mutunui, mukandei!

PENGGAURANNA RASULU’ 9:7

Iatu to nasolan male littu bangmo ke’de’ urrangii tu gamara, apa moi misa’ tau tae’ nakita lako.

ZAKHARIA 2:4

anna ma’kada lako tu malaeka’ senga’, nakua: Ma’dondoko male muma’kada lako tu to mangura, mukua: Iatu a’ganna Yerusalem la susi misa’ kota tang dibenteng, napobua’ kabudanna tau sia patuoan lan.

ZAKHARIA 1:9

Mekutanana’ kukua: Apara battuananna te mintu’ te, o puangku? Mebalimi tu malaeka’ kusipa’kadan nakua: La kupakitangko tu battuananna te mintu’na te.

DANIEL 10:21

apa moi susito, la kupokadangko tu apa disura’ lan Sura’ Kamanapparan. Tae’ misa’ tau batta’ untunduina’ unneai tu tau iato mai, sangadinna Mikhael, arungmi.

DANIEL 10:14

Na totemo saemo’ umpaissanniko tu diona apa la urrampoi bangsamu, ke allo ma’katampakannai; belanna den dukapa tu patiro mendeata diona tu allo la sae.

KADA OMBO’ LAKO RASULU’ YOHANES 1:12

Messailemo’ lu lako tu gamara ma’kada lako kaleku. Iatongku messaile untiromo’ pitu tongkonan palita bulaan.

DANIEL 7:16

Kupengkareke’imi tu tau iato misa’, tu bendan inde to dio, angku kutanai manassana te mintu’na apa iate; ma’kadami lako kaleku sia napokadanna’ battuananna te mintu’ apa iate.