DANIEL 5:9 - Sura' Madatu

⁹ Lendu’mi magiangna tu datu Belsazar sia bali’ tu rupanna; sia mintu’ to ma’parentana tiramban nasang.

DANIEL 5:9 Referans Kwoze

DANIEL 5:6

Attu iato bali’mi tu rupanna datu sia iatu tangnga’na umpamagiang penaanna, sia langga’ tu aakna, na iatu guntu’na sigalatuan.

DANIEL 2:1

Iatonna taun ma’penduan kaparentanna Nebukadnezar, ma’tindomi tu Nebukadnezar; napomagiangmi penaanna tu tindo iato, anna tang mamma’mo.

YEREMIA 6:24

Iatonta rangi tu karebanna, loe tu limanta; narampoiki’ kapussakan sia kamapa’diran susito misa’ baine la kianak.

KADA OMBO’ LAKO RASULU’ YOHANES 6:15

Sia mintu’ datu lan lino sia to kapua sia pangulu rari sia to sugi’ sia to paa sia mintu’ tau, la kaunan la to makaka, membuni nasang lan lu lo’ko’ sia lan lu sapak batu.

MATIUS 2:3

Iatonna rangii datu Herodes tu iannato, tirambanmi sola tu mintu’ pa’tondokan dio Yerusalem.

DANIEL 10:8

Aku manna tu torro misa-misa. Iatongku tiroi tu patiro mendeata kalle-kallean iato, soyang sumanga’mo’, tae’mo rara dio lindoku sia ma’ipumo’.

YEREMIA 30:6

Mekutanakomi sia tiroi, ke la denni anna kianak tu muane, ma’apai kutiroi tu mintu’ muane untemme’ aakna susito baine mangurria’ sia membali tu rupanna susi lindo to mate?

PA’PUDIAN 48:6

Tonna tiroi tau iato mai tirambanmi, sia mataku’mi sola nasangi namallai.

PA’PUDIAN 18:14

Gumalugumi tu PUANG dao langi’, sia umpatialling gamaranNa tu Puang Patodoranna – (uran batu sia ruaya borrong).