DANIEL 5:4 - Sura' Madatu

⁴ Unniru’mi anggoro’ anna pudi-pudii tu mintu’ rapang-rapang dipodeata bulaan, salaka, tambaga, bassi sia batu.

DANIEL 5:4 Referans Kwoze

DANIEL 5:23

sangadinna umbali-baliorokomi Puang dao suruga, belanna napatassu’ nabaa tau lan mai banua kabusunganNa lako olomi tu mintu’ pareanan, ammi iru’i uai anggoro’ sola to ma’parentami, bainemi sia gundi’mi sia umpangke’komi rapang-rapang dipodeata salaka, bulaan, tambaga, bassi, kayu sia batu, tu tae’ napatiro sia parangi sia tang paissan, apa iatu Puang Matua, untoe bannang penaammi sia umpasirundunanni tu mintu’ lalanmi, tae’ mipangke’I.

HABAKUK 2:19

Upu’ allona tu to ma’kada lako kayu sanglontok, nakua: Malimbangunko sia lako misa’ batu mamang, nakua: Pana’dingko, Ma’dinraka tu apa iato mai la mangada’? Manassa moi disapu’ bulaan sia salaka, apa tae’ duka penaa lan.

PENGGAURANNA RASULU’ 17:29

Belanna bu’tu dioki’ mai Puang Matua, tang sipatu la tasanga susi bulaan ba’tu salaka ba’tu batu digaragai dipaolai kamanarangan sia tangnga’ tolino tu kapuanganNa Puang Matua.

YESAYA 42:8

Akumo tu PUANG, iamoto tu sangangKu sia kamala’birangKu tae’ angKu benni to senga’, sia iatu kadipudiangKu tae’ angKu palulakoi rapang-rapang dipodeata dipa’.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

YESAYA 42:17

La sorong boko’ sia la kasirisan tu mintu’ to sande’ lako rapang-rapang dipodeata dipa’; tu to ma’kada lako rapang-rapang dipodeata dipati’no’, kumua: Kamumo tu deatangki.

DANIEL 1:8

Iatu Daniel napamanassamo lan penaanna, kumua tae’ nala urruttakki lenni kandena datu sia uai anggoro’ nairu’ datu, tu kalena; iamoto anna messiman lako pangulu to mase’ponna datu, kumua da anna ruttakki lenni tu kalena.

DANIEL 5:3

Nabaami tau sae tu mintu’ pareanan bulaan, tu dipatassu’mo dio mai Banua Kabusungan, banuanNa Kapenomban dio Yerusalem, anna iru’i datu sia mintu’ to ma’parentana, sia bainena sia gundi’na.

DANIEL 5:5

Ta’kala payanmi tu mai taruno lima tau, tu mangoki’ dio to’ rinding dikapu’i lan tongkonan layukna datu sitingoan to’ inan lampu, anna tiroi datu tu boko’ lima iato marassan mangoki’.

AMOS 6:7

Iamoto totemo la male dipali’ tu tau iato mai dio tingayona mintu’ to dipali’, sia la upu’ tu arrakna to kasode-sode.

1 DATU 1:49

Attu iato sipa’rundedeammi ara’na tu mintu’ to nasolan Adonia, anna pada male umpeloloi lalanna.