DANIEL 5:2 - Sura' Madatu

² Marassan mangiru’ anggoro’ tu Belsazar, mesuami umbaai sae tu pareanan bulaan sia salaka, tu nabaa Nebukadnezar, ambe’na lan mai Banua Kabusungan dio Yerusalem, anna iru’i datu sia mintu’ to paana sia bainena sia gundi’na.

DANIEL 5:2 Referans Kwoze

DANIEL 1:2

Nasorongmi PUANG tu Yoyakim, datu Yehuda, tama limanna sola tu sangtaan pareanan banuanNa Puang Matua, nabaai lako padang Sinear, napatamai banua deatanna; iatu pareanan iato napatama inan pareanan deatanna.

2 DATU 24:13

Naalaimi inde to dio mai tu mintu’ pareanan lan banuanNa PUANG sia lan tongkonan layuk; sia nata’takki tu bulaan dio mai mintu’ pareanan tu nagaragai Salomo, datu to Israel, lan banua kabusunganNa PUANG, susi kadanNa PUANG.

DANIEL 5:23

sangadinna umbali-baliorokomi Puang dao suruga, belanna napatassu’ nabaa tau lan mai banua kabusunganNa lako olomi tu mintu’ pareanan, ammi iru’i uai anggoro’ sola to ma’parentami, bainemi sia gundi’mi sia umpangke’komi rapang-rapang dipodeata salaka, bulaan, tambaga, bassi, kayu sia batu, tu tae’ napatiro sia parangi sia tang paissan, apa iatu Puang Matua, untoe bannang penaammi sia umpasirundunanni tu mintu’ lalanmi, tae’ mipangke’I.

2 DATU 25:15

Sia iatu pa’peruayan sia pindan pa’pi’pikan, sia iatu mintu’ pareanan bulaan sia salaka nabaa nasang pangulu to ma’kampa iato.

DANIEL 5:18

O datu, mangkamo Puang Matua, Patodoranna, ungkamasei kadatuan, kataromposan, kadipangkeran sia kamala’biran tu Nebukadnezar, ambe’mi.

DANIEL 5:13

Attu iato nasolammi tau tu Daniel, lako datu. Ma’kadami tu datu lako Daniel nakua: Ikoraka Daniel, misa’ to Yehuda tu dipali’ tu nabaa datu, ambe’ku, dio mai Yehuda?

DANIEL 5:11

Den misa’ tau lan parentami, natorroi penaa deata masero; na iatonna ambe’mipa iatu tau iato iatu penaanna, naniimo arrang sia tangnga’ kinaa sia kakinaan, susitu kakinaanna deata; iatu ambe’mi datu Nebukadnezar unnangka’i tu tau iato pangulu to paissan-issan, to ma’basa-basa, to Kasdim sia to pakita-kita, – susimoto tu ambe’mi, o datu.

DANIEL 5:4

Unniru’mi anggoro’ anna pudi-pudii tu mintu’ rapang-rapang dipodeata bulaan, salaka, tambaga, bassi sia batu.

YEREMIA 52:19

Sia piring sia pa’peruayan sia pindan pa’pi’pikan sia kurin sia tongkonan palita sia dolong-dolong sia balubu, iatu mintu’ pareanan bulaan sia salaka nabaa nasang pangulu to ma’kampa iato.

YEREMIA 27:7

Sia mintu’ bangsa la mengkaola lako kalena sia lako anakna sia lako ampona sae lako nalambi’na attunna tu tondok iato la natalo ba’tu pira-pira bangsa matoto’ sia datu kapua.

2 OSSORANNA DATU 36:18

Iatu mintu’ pareanan banuanNa Puang Matua la kapua la baitti’, sia mintu’ ianan banuanNa PUANG sia mintu’, iananna datu sia mintu’ arungna, nabaa nasang lako Babel.

2 OSSORANNA DATU 36:10

Iatonna taun pole’ to, mesuami datu Nebukadnezar ussolanni lako Babel sola tu mai pareanan ballo lan banuanNa PUANG. Naangka’mi datu tu Zedekia, sangdadianna, undatui Yehuda sia Yerusalem.

2 OSSORANNA DATU 15:16

Moi na iatu Maakha, indo’na, natassu’i dadi datu baine, belanna unggaragai rapang-rapang dipodeata iamotu Asyera. Nata’tak-ta’tak Asa tu rapang-rapang dipodeata megallian sia naballa diong lombok Kidron.

2 OSSORANNA DATU 11:20

Undinnato umpobaineomi Maakha, anakna Absalom; nadadianni tu Abia, Atai, Ziza na Selomit.

2 SAMUEL 9:7

Ma’kadami Daud lako kalena nakua: Da mumataku’, belanna inang la umpogau’na’ kamasokanan lako kalemu belanna ambe’mu, Yonatan, la kupasule nasang tu mintu’ pa’lakna nene’mu, sia tontong dukaki’ la kumande sola.

KADIBILANGAN 7:79

Iatu pamengan pemala’na misa’ pindan salaka saratu’ tallungpulo sikele’ timbanganna sia misa’ pindan pa’pi’pikan salaka pitungpulo sikele’ timbanganna’ situru’ sikele’ maindan, ponno dua ta’pung manisak, tu dipasigerok minna’, la dipokande dipemalaran;

EZRA 5:14

Ondongpi iatu mintu’ pareanan bulaan sia salaka dio banuanNa Puang Matua tu naala Nebukadnezar lan mai Banua Kabusungan dio Yerusalem, nabaa lako banua kamenomban dio Babel, napesuan datu Koresh unnalai lan mai banua kamenomban dio Babel, napaingko’i misa’ tau disanga Sesbazar, tu naangka’mo to maraa.

YEREMIA 50:35

E pa’dang rampoimoko to Kasdim, kadanNa PUANG, sia to torro lan Babel sia iatu mai arungna sia tu paissanna.

DANIEL 5:3

Nabaami tau sae tu mintu’ pareanan bulaan, tu dipatassu’mo dio mai Banua Kabusungan, banuanNa Kapenomban dio Yerusalem, anna iru’i datu sia mintu’ to ma’parentana, sia bainena sia gundi’na.

DANIEL 5:30

Iatonna bongi ia bangsiamoto, napateimi tau tu Belsazar, datu to Kasdim.