DANIEL 5:11 - Sura' Madatu

¹¹ Den misa’ tau lan parentami, natorroi penaa deata masero; na iatonna ambe’mipa iatu tau iato iatu penaanna, naniimo arrang sia tangnga’ kinaa sia kakinaan, susitu kakinaanna deata; iatu ambe’mi datu Nebukadnezar unnangka’i tu tau iato pangulu to paissan-issan, to ma’basa-basa, to Kasdim sia to pakita-kita, – susimoto tu ambe’mi, o datu.

DANIEL 5:11 Referans Kwoze

DANIEL 4:18

Iamote tu tindo tu akumo, datu Nebukadnezar, mangka untiroi; na iko, e Beltsazar, pokadanna’ tu sembangna, belanna mintu’ to paissan lan parentaku tae’ nakullei umpokadanna’ tu sembangna; apa iko ma’dinko, belanna natorroiko penaa deata masero.

DANIEL 5:14

Kurangimoko, kumua naniiko penaa deata sia iatu penaammu naniimo arrang sia kamatarrusan sia kakinaan kapua tongan.

KADA OMBO’ LAKO RASULU’ YOHANES 3:9

Tiromi, Kusorongi ba’tu pira-pira tau dio mai banua pa’kombonganna deata bulituk, tu ussanga kalena to Yahudi apa tangngia, sangadinna mo’rang, tiromi, la Kupasae tu tau iato mai menomba dio to’ lentekmu, anna akui kumua Kukamaseiko.

PENGGAURANNA RASULU’ 12:22

Ra’banmi tu to buda ma’kada lako nakua: Deata ia te ma’kada, tangia tolino.

DANIEL 2:11

Iatu apa natuntun datu, lendu’ ia magasanna, sia moi misa’ tau senga’ tae’ umbelai umpokadanni datu, sangadinna ke iatu mintu’ deata, tu tang torro sola tolino.

2 SAMUEL 14:17

Sia susite tu tangnga’ku, kukua: Iatu kadanna puangku datu la umparapa’ penaa, belanna susito misa’ malaeka’Na Puang Matua, susi dukamoto tu puangku datu la umperangii melo sia kadake. Na PUANG, Kapenombammimora urrondongkomi.

PENGGAURANNA RASULU’ 16:16

Denmi pissan tongki lao lako to’ inan nanii tau massambayang, sitammumokan misa’ kaunan baine, to ma’deata pakita-kita, kesaro la’da’ tonganmo tu puangna diona pakita-kitanna.

PENGGAURANNA RASULU’ 14:11

Iatonna tiroi to buda tu penggauranna Paulus, napemanduimi tu gamaranna ma’kada ma’basa Likaonia, nakua: Songlo’mo lako kaleta tu mai deata mentolino.

KADADIAN 41:38

Ma’kadami tu Firaun lako tu to naala parea: Umba la tanii unnappa’ misa’ tau susite tu natorroi PenaanNa Puang Matua?

YEHEZKIEL 28:3

Manassa matarru’ko anna Daniel, moi misa’ rasia tae’ kabunian dio paissanmu;

DANIEL 1:4

Iamotu ba’tu pira-pira to mangura, tu tae’ tattanna sia melo pantarisanna, tu kinaa sia paissan sia tarru’ manarang, tu malute untoe pengkarangan lan tongkonan layukna datu, anna ada’i sura’ sia basa to Kasdim tu tau iato mai.

DANIEL 2:22

Ia umpaombo’i tu apa tang dilambi’ la diissan sia apa kabunian, Naissan duka tu apa lan malillinna sia siayoka kamasiangan.

DANIEL 5:7

Metambami tu datu umpekapuai gamaranna, mesua ussolanni sae tu to ma’basa-basa, sia to Kasdim sia to pakita-kita. Ma’ kadami tu datu lako mintu’ to paissan lan Babel, nakua: Minda-minda ma’din umbasai te pangoki’ iate sia umpokadanna’ tu battuananna, la dipakei tamangkale lango-lango, sia dipaluangi manik bulaan tu barokona, sia iamo la ma’parenta lan kadatuan untoe pangka’ ma’pentallun.

YEHEZKIEL 28:4

belanna kamatarrusammu sia kapaissananmu ammu appa’ ianan sia urrampun bulaan sia salaka lan inan pangnannammu.

DANIEL 4:5

Ta’kala angku ma’tindo, kupotirambanni; iatu apa kutiro lan tindoku dao katindoangku sia iatu patiro mendeata, tu bu’tu dio pentiroku umpamagiangna’.

DANIEL 4:6

Attu iato kupa’parentammi mesua umbaai lako kaleku tu mintu’ to paissan dio lu Babel, kumua anna pokadanna’ tu sembangna tindo iato.