DANIEL 5:1 - Sura' Madatu

¹ Iatu datu Belsazar umpadenan pa’maruasan sangsa’bu to ma’parentana; unniru’mi uai anggoro’ tu datu dio tingayona to sangsa’bu.

DANIEL 5:1 Referans Kwoze

ESTER 1:3

Iatonna taun ma’pentallun kadatuanna, napadenammi datu pa’maruasan tu mintu’ arungna sia to mase’ponna; iatu pangulu surodadunna Persia sia Media sia to mala’bi’ sia iatu mai arungna propinsi ma’dio ren nasang dio olona datu.

YESAYA 22:14

Apa Napasombomo PUANGna mintu’ ma’dandan maritik kurangi tu kadanNa, Nakua: Inang manassa kumua iate kasalan iate tae’ anna la diseroi dio kalemi, sae lako matemi, kadanNa Puang, PUANGna mintu’ ma’dandan maritik.

YESAYA 22:12

Manassa allo iato Natambaimokomi Puang, PUANGna mintu’ ma’dandan maritik, la tumangi’ sia la umbating, sia la ma’galettung sia la ma’pote dibolong.

NAHUM 1:10

Belanna, moi sibintan susi duri, sia malango susito kabiasanna malango –, inang la dimangsanni tarru’ tu tau iato mai susi dalame marangke.

YEREMIA 51:57

Sia la Kupamalango tu mai arungna sia to matarru’na sia to marayanna sia to ma’parentana sia pa’baraninna, naurunganni tarru’ leppeng sae lakona sia tang pandiu len, kadanNa Datu, tu digente’ PUANGna mintu’ ma’dandan maritik.

YEREMIA 51:39

Iake sirarrangammi tu tau mangiru’ la Kuparandanan pa’maruasan mangiru’ angKu pemalangoi, anna limpu tobang tu tau iato mai, naurungan tarru’ leppeng sae lakona sia tang pandiu len, kadanNa PUANG.

KADADIAN 40:20

Iatonna ma’tallung alloammo tonna allo kadadianna Firaun napadenanmi misa’ pa’maruasan tu mintu’ pareana anna angka’i tu pangulu pa’kampa pangiru’ sia naangka’ tu pangulu pa’kampa kande dio tingayona mintu’ pareana.

YEREMIA 50:35

E pa’dang rampoimoko to Kasdim, kadanNa PUANG, sia to torro lan Babel sia iatu mai arungna sia tu paissanna.

DANIEL 5:30

Iatonna bongi ia bangsiamoto, napateimi tau tu Belsazar, datu to Kasdim.