DANIEL 4:6 - Sura' Madatu

⁶ Attu iato kupa’parentammi mesua umbaai lako kaleku tu mintu’ to paissan dio lu Babel, kumua anna pokadanna’ tu sembangna tindo iato.

DANIEL 4:6 Referans Kwoze

DANIEL 2:2

Mesuami tu datu untambai mintu’ to paissan-issan sia to ma’basa-basa sia to unnampui balik mata sia to Kasdim, la ussembanganni tu tindona datu; saemi tu tau iato mennolo dio olona datu.

YESAYA 8:19

Iake nakuangkomi tau kumua: Ma’petiro-tirokomi lako bombo to mate sia to sola-sola bombo tu kumissak-missak sia ma’nemu-nemu – tang Kapenombannaraka misa’ bangsa tu sipatu la nanii mekutana? Pato’raka dipekutanan lako to mate tu to tuo?

KATASSURAN 7:11

Natambaimi Firaun tu mintu’ to paissan sia mintu’ balik mata, na mintu’ tu to Mesir den issan-issanna umpogau’ dukai susito tete dio basa-basana.

DANIEL 5:7

Metambami tu datu umpekapuai gamaranna, mesua ussolanni sae tu to ma’basa-basa, sia to Kasdim sia to pakita-kita. Ma’ kadami tu datu lako mintu’ to paissan lan Babel, nakua: Minda-minda ma’din umbasai te pangoki’ iate sia umpokadanna’ tu battuananna, la dipakei tamangkale lango-lango, sia dipaluangi manik bulaan tu barokona, sia iamo la ma’parenta lan kadatuan untoe pangka’ ma’pentallun.

DANIEL 1:17

Nakamaseimi Puang Matua kapaissanan, kamatarrusan untandai mintu’ sura’ sia kakinaan tu to mangura sola a’pa’i, na iatu Daniel matarru’mo untandai ma’rupa-rupa patiro mendeata sia tindo.

DANIEL 2:48

Iamoto napamatandemi datu tu Daniel, nakamasei ba’tu sangapa-apa pamengan kapua, anna angka’i dadi to ma’parenta lan mintu’ propinsi Babel sia pangulunna mintu’ to paissan dio Babel.

DANIEL 4:15

Apa patorroi iatu garonto’ panglellengan mennuaka’napa diong padang, dipori bassi sia tambaga lan to’ riu maluna, diong padang; anna sakka’i ambun dao mai langi’, na iatu kande napotaa sola olo’-olo’, iamotu riu dio lu padang.

DANIEL 5:11

Den misa’ tau lan parentami, natorroi penaa deata masero; na iatonna ambe’mipa iatu tau iato iatu penaanna, naniimo arrang sia tangnga’ kinaa sia kakinaan, susitu kakinaanna deata; iatu ambe’mi datu Nebukadnezar unnangka’i tu tau iato pangulu to paissan-issan, to ma’basa-basa, to Kasdim sia to pakita-kita, – susimoto tu ambe’mi, o datu.