DANIEL 4:32 - Sura' Madatu

³² Sia la naali’ko tau dio mai sangbilangan tolino na iatu katorroammu la sisola olo’-olo’ dio lu padang; anna pakandeko tau riu ten to sapi; sia nalambi’ pempitu attu la munii susito sae lako muakunna, kumua Puang Patodoranna ungkuasai kadatuanna tolino sia Nakamasei tu minda-minda Naporai.

DANIEL 4:32 Referans Kwoze

DANIEL 5:21

Ondongpi diali’ dio mai sangbilangan tolino, na iatu penaanna susimo tu penaa olo’-olo’, sia sangtorroammo keledai lampung sia dibenmo riu nakande susi sapi sia nasakka’imo ambun dao mai langi’ tu kalena sae lako naaku, kumua Puang Matua, Patodorannamo, ungkuasai kadatuanna tolino sia untokkoi tu la dadi datu tu minda-minda naala penaanNa.

YEREMIA 27:5

Akumo tu mangka umpadadi lino sia mintu’ tolino sia olo’-olo’ dao kuli’na padang tete dio kamatotoran kapuaKu sia takia’ tiangka’Ku, la Kupa’kamasean lako minda-minda tu naala penaangKu.

YOSUA 4:24

kumua anna issanni mintu’ bangsa dao kuli’na padang tumbai mawatangna tu limanNa PUANG, anna kataku’i tau iato mai tu PUANG, Kapenombammi, lan mintu’ allo.

KATASSURAN 9:29

Nakuami Musa lako: Iangku tassu’ lan mai tondok, la mempala’ patomalina’ langngan PUANG anna radan tu mintu’ guntu’ sia la pa’de tu uran batu, ammi issanni, kumua PUANG ampunna te lino.

KATASSURAN 8:10

Ma’kadami Firaun nakua: Masiang. Nakuami Musa: Melo, susitu kadammi puang; ammi issanni kumua PUANG, Kapenombangki tae’ sangtintinna.

YESAYA 37:20

Iamoto, o PUANG, Kapenombangki, lendokangkan dio mai limanna, anna issanni mintu’ kadatuan lan te lino, kumua Kamu mannari, o PUANG, misa-misa tu Puang Matua.

KATASSURAN 9:14

Belanna attu iate la Kupasae tu mintu’ kamandasan landa’ lako kalemu sia lako mintu’ taummu, ammu issanni, kumua tae’ padangKu lan mintu’ lino.

YESAYA 45:3

La Kukamaseiko ianan dio lu to’ malillinna sia barang apa dio to’ kabunianna, ammu issanni, kumua Akumote tu PUANG, tu mangka untambaiko sangammu, iamotu Kapenombanna to Israel.

2 OSSORANNA DATU 33:13

anna massambayang lako Puang. Attu iato Natanannimi talinga Puang tu passambayangna sia Naperangii tu pengkamoyana, anNa pasulei lako Yerusalem sia tama kadatuanna. Naakumo Manasye, kumua PUANG tu Kapenomban.

DANIEL 2:21

Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

DANIEL 4:31

Tae’ bangsiapa naupu’ nasa’bu’ dio randan dipudukna datu tu kada iato, denmi gamara dao mai langi’ nakua: Dipokadangko, datu Nebukadnezar, kumua: iatu kadatuammu sisayurammoko.

AYUB 9:12

Iake Nasintakki tu mai apa, mindara umpadapai? Mindara tu ma’kada lako Kalena nakua: Apara tu mipogau’?

AYUB 42:2

Kutandai kumua Kamu tu umpoissan angge maritik, sia moi misa’ lalan tangnga’Mi tang dipadapa len.

PA’PUDIAN 115:3

Iatu Kapenombangki dao mai suruga, mintu’ pa’poraianNa Napogau’ Ia.

PA’PUDIAN 135:6

Iami Naporai, iamo Napogau’, la dao langi’ la lan lino, la diong tasik ba’tu diong lu liku mandalan.

YESAYA 40:15

Iatu mintu’ bangsa dipasangtinti uai sangto’doan lan petimba sia pada to barra’-barra’ dao timbangan; iatu lebukan susito barra’-barra’ manisak titale’.

YESAYA 40:17

Iatu mintu’ bangsa dio oloNa Puang butung to tae’ bang apa, mintu’nato Nasanga susito apa tae’, sia tae’ gai’na.