DANIEL 4:11 - Sura' Madatu

¹¹ Iatu kayu iato kapua sia mawatang, iatu ma’layukna tu’tun dao langi’ sia payan ditiro lako mintu’ randan langi’.

DANIEL 4:11 Referans Kwoze

PA’TOLE 9:1

Perangii, e to Israel! Totemo la mulamban tu Yordan ammu alai mupoapa tu lili’na tu mai bangsa, tu tarompo’ sia makuasa na iko sia iatu mai kota kapua, tu ditambakuku malangka’ langngan langi’ –,

MATIUS 11:23

Na iko, e Kapernaum! Ikomoraka la dipekalangka’i sae langngan langi’? La sarokko-rokkonako ria sae tama lino to mate, belanna iakenna lan Sodom nanii mangka dadi tu tanda mangnga dadi lan lili’mu, inang la tontong ia sae lako te attu iate.

KADADIAN 11:4

Sia nakuapa: Maikomi anta bangun misa’ tondok sia misa’ menara tu la sumpu langan langi’ tu lolokna; susimoto la tanii unggaraganni tanda kalelean tu kaleta, da anta sisarak-sarak lan te lino.

YEHEZKIEL 31:5

Iamoto anna mandu kalando tu batangna na iatu mai mintu’na kayu dio lu padang; umbalumbun tu mai takke’-takke’na sia kalando tu tangkena belanna tontong nataranak uai tang ma’ti, tonna mane tuo.

YEHEZKIEL 31:12

Nalelleng to sae, iamotu tu tarru’ masa’ga’ dio lu mintu’ bangsa, nasongkanni; anna tobang tu tangkena dao lu mintu’ buntu sia diong lu mintu’ lombok, na iatu takke’-takke’na le’to lan lu mintu’ salu’-salu’ marangke dao kuli’na padang, anna iatu mintu’ bangsa dao kuli’na padang mallai dio mai to’ naonganninna, anna tampei.