DANIEL 3:18 - Sura' Madatu

¹⁸ Apa iake susinna tae’ Nabelai la miissan, e datu, kumua tae’ kila umpakarayai tu mai deatammi sia umpenombai tu rapang-rapang dipodeata bulaan, tu mangka mipabendan.

DANIEL 3:18 Referans Kwoze

MATIUS 10:39

Minda-minda tu ungkabu’tui katuoanna, iamo la kapa’dean katuoanna, sia minda-minda tu kapa’dean katuoanna, tu belanna Aku, iamo la ungkabu’tui.

KADA OMBO’ LAKO RASULU’ YOHANES 12:11

Natalomo tau iato mai tu naga tete dio rara Anak domba sia tete dio kada nakatottongi; sia tau iato mai tae’ nadampang sunga’na moi sae lako matena.

YOSUA 24:15

Apa iake misangai tang melo tu umpengkaolai PUANG, melo ke mipilei totemo minda tu minii mengkaola: lakoraka mintu’ deata tu napenombai nene’ to dolomi sambalinna lu Salu, lakoraka deata to Amori tu minii ma’tondok. Apa iatu aku sia to lan banuangku la mengkaolakanni lako PUANG.

DANIEL 3:28

Ma’kadami Nebukadnezar nakua: Mintu’ kadipudian lu langngan Kapenombanna Sadrakh, Mesakh na Abednego! Nasua tu malaeka’Na sae urrampanan taunNa, tu nanii sande’, tu untengkai tu parentana datu sia umpopa’elo’na batang kalena, belanna moi misa’ deata noka ia umpakarayai ba’tu umpenombai, sangadinna Kapenombanna manna.

SARAMBU PEADA’ 28:1

Iatu to tang mekaaluk male mallai, moi tae’ tau unnula’i, apa iatu to malambu’ manaman bang nasa’ding susito singa mangura.

AYUB 13:15

Moi Namorai tu Puang umpateina’, tontong duka kurannuan; ondongpi iatu gau’ku moraina’ untongananni dio oloNa.

PENGGAURANNA RASULU’ 4:19

Apa mebali Petrus na Yohanes sia nakua ungkuanni tinde tau: Timbang kalenai, ke la sipatui dio oloNa Puang Matua tu umpalosongi unturu’komi na unturu’ Puang Matua.

SURA’ KATOMINAAN 19:4

Da mipennoloi deata sia da migaraga rapang-rapang dipodeata dipati’no’: Akumo tu PUANG, Kapenombammi.

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

MATIUS 16:2

Apa mebali sia Nakua ungkuanni: Ianna kekaroen mikuami: Manta’ allo, belanna masero langi’.

IBRANI 11:25

napola’biran ia dipakario-rio sola taunNa Puang Matua, ke la umposende sangattu’mira kasolleranna kasalan;

1 DATU 19:14

Mebalimi nakua: Lendu’ tongan malallangna penaangku ungkilalai PUANG, Kapenombanna mintu’ ma’dandan maritik, belanna naboko’imo mintu’ to Israel tu basseMi, sia narondonni tu mintu’ inan pemalaramMi sia napatei pa’dang tu mintu’ nabimMi, na aku mannamo tinampe sia undaka’mo lalan la ungka’tu sunga’ku.

1 DATU 19:18

Sia diona pa’poraiangKu natorropa dio lu to Israel tu tau pitungsa’bu, iamo mintu’ guntu’ tu tae’ bangpanamalinguntu’ dio tingayona Baal sia mintu’ lindo tu tae’ bangpa naudungi.