DANIEL 3:10 - Sura' Madatu

¹⁰ Kamu, o datu, mipa’parentammo, kumua mintu’ to urrangii tu oni tarompe’, suling, katapi, su’dekan, dandi sia sulingrapi’ sia mintu’ oni-onian, la lumbang sae rokko padang la umpenombai tu rapang-rapang dipodeata bulaan iato,

DANIEL 3:10 Referans Kwoze

DANIEL 6:12

Ma’dondomi tu mai tau urrekke’i lako, naapparanni tu Daniel marassan massambayang sia mengkamoya-moya langngan Kapenombanna.

YOHANES 11:57

Apa iatu mai pangulu to minaa sia to Farisi mangkamo umpasun parenta kumua, iake denni tau unnissanni tu nanii torro Yesu, napa’peissananni, kumua anna ma’din untingkanNi.

AMOS 6:5

Tu unnarrak-arrak unturu’ oni dandi sia ma’tangnga’-tangnga’ unggaragai oni-onian, susi Daud.

DANIEL 3:15

Kusanga melo, ke naalai penaammi, iammi rangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang dipodeata, tu mangka kugaraga, (tae’ ammi dipatumba-tumba), apa ke tae’i mipenombai, ta’pa dipembuangangkomi tama dapo’, nanii api ma’lana-lana, sia den pole’raka misa’ deata tu ma’din urrampanangkomi lan mai limangku?

YESAYA 10:1

Upu’ allona tu mintu’ to umpatassu’ parenta tang malambu’ sia to massura’ tu umpalao pesua matana’,

TOMANGADA’ 3:16

Den siapa kutiro tu inan pa’paolaian salu lan naarrang matanna allo: inde to nanii kakelokan; sia iatu inan nanii kamaloloan; inde to nanii katangmalamburan.

PA’PUDIAN 94:20

Ma’apai amMi la siayoka isungan nanii tonang pasangganganna, tu melo salian naumpabu’tu kamaparrisan.

2 OSSORANNA DATU 29:25

Nasuami tu to Lewi bendan sikandappi’ banuanNa PUANG untangke taa’-taa’, dandi sia katapi, susitu napasan Daud sia Gad, to patanda-tandanna datu sia nabi Natan, belanna iatu pepasan iato Napokada PUANG nalopian tu mai to minaanna.

1 OSSORANNA DATU 15:28

Iatu mintu’ to Israel umbaa patti basseNa PUANG unnarrak-arrak sia umpannoni napiri tanduk, tarompe’ na taa’-taa’, sia ma’dandi na ma’katapi.

1 OSSORANNA DATU 15:16

Mesuami tu Daud lako mintu’ pangulunna to Lewi kumua anna popa’tibangi tu siulu’na, iamotu to menani umbaa oni-onian, dandi, katapi na taa’-taa’, la umpannoni tanda pa’maruasan kaparannuan.

KATASSURAN 1:22

Mesuami tu Firaun lako mintu’ taunna, nakua: Mintu’ tu pia muane la dadi, tae’ mitang la umpembuanganni rokko salu Nil, apa iatu mintu’ pia baine patuoi.

KATASSURAN 1:16

Iammi pakianak baine to Ibrani, tiro meloi ke kianakmi: iake pia muane tu anakna la mipatei, apa iake pia baine, da’ito natuo.

DANIEL 3:11

sia minda-minda tae’ nalumbang sae rokko padang sia menomba, la dipembuangan tama dapo’, nanii api ma’lana-lana.