DANIEL 2:6 - Sura' Madatu

⁶ Apa iake mipokadai tu tindo iato situang sembangna, manassa la mitarima tu pamengan sia pa’kamasean sia kadipangkeran kapua dio mai kaleku; iamoto pokadammo’ tu tindo iato situang sembangna.

DANIEL 2:6 Referans Kwoze

DANIEL 5:7

Metambami tu datu umpekapuai gamaranna, mesua ussolanni sae tu to ma’basa-basa, sia to Kasdim sia to pakita-kita. Ma’ kadami tu datu lako mintu’ to paissan lan Babel, nakua: Minda-minda ma’din umbasai te pangoki’ iate sia umpokadanna’ tu battuananna, la dipakei tamangkale lango-lango, sia dipaluangi manik bulaan tu barokona, sia iamo la ma’parenta lan kadatuan untoe pangka’ ma’pentallun.

DANIEL 2:48

Iamoto napamatandemi datu tu Daniel, nakamasei ba’tu sangapa-apa pamengan kapua, anna angka’i dadi to ma’parenta lan mintu’ propinsi Babel sia pangulunna mintu’ to paissan dio Babel.

DANIEL 5:29

Attu iato mesuami Belsazar umpakei tamangkale lango-lango tu Daniel sia napaluangi manik bulaan tu barokona, anna petambanni tau, kumua iamo la ma’parenta lan kadatuan untoe pangka’ ma’pentallun.

KADIBILANGAN 24:11

Totemo, pallaimokomi lako to’ inanmi; mangkamo kupokada kumua: La kusaroi la’da’komi, apa manassa Nadampa PUANG tu saromi.

KADIBILANGAN 22:37

Ma’kadami tu Balak lako Bileam nakua: Tae’raka angku tonganni umpesuangkomi? Ma’apai natae’ misae lako kaleku? Misangaraka tae’ kubelai ussaroikomi?

KADIBILANGAN 22:17

belanna la kusaroi la’da’komi; mintu’ apa tu mipokada, la kupogau’; maimokomi sia tampakanna’ ropu te bangsa iate.

KADIBILANGAN 22:7

Pakalan malemi tu pekaamberanna Moab sia Midian umbaa saro disaroan to pakita-kita; iatonna rampomo lako Bileam, naparampomi tu kadanna Balak lako.