DANIEL 2:30 - Sura' Madatu

³⁰ Iatu aku te, tae’ to kumua den kamanarangan losong lan kaleku na iatu mintu’ to tuo, anna dipaombo’ lako kaleku te rasia iate, sangadinna iari tu sembangna dipamanassan datu, ammi issanni tu mintu’ tangnga’ penaammi.

DANIEL 2:30 Referans Kwoze

KADADIAN 41:16

Mebalimi tu Yusuf lako Firaun: Tae’ naaku umpoissanni te, Puang Matua Ia la umpokadai tu la napomelona Firaun.

PENGGAURANNA RASULU’ 3:12

Iatonna tiroi Petrus tu iannato, nakuami lako mintu’ tau: E to Israel, ma’apari mipomangngari te iannate? sia ma’apari mipemarangakan takua to kamatotorangki ba’tu kamenombangki kalena angki palumingkai te tau iate?

2 KORINTUS 4:15

Apa mintu’nate iannate dadi tu belanna kamu, kumua anna iatu pa’kamasean tu sakerangngan-rangnganna belanna sabuda-budanna bilanganna tu tau, umpopemba’ka’i tu pa’kurre sumanga’ Napomala’bi’ Puang Matua.

ROMA 8:28

Apa taissan kumua mintu’na apa situru’ umpasaeanni kameloan tu to ungkamali’ Puang Matua, iamotu to ditambai situru’ tanan penaanNa Puang Matua.

MARKUS 13:20

Iakenna tae’ Napakadomi’i Puang to attu iato, inang tae’mo tau misa’ duka la dikarimmanni; apa belanna mintu’ tu to ditonno’, tu mangka Natonno’, napoulangi Napakadomi’ to attu iato.

MATIUS 24:22

Sia iakenna tae’ nadipakadomi’ tu attunna, inang la tae’mo tau misa’ duka dikarimmanni; apa belanna iatu mintu’ to ditonno’, anna dipakadomi’ tu attu iato.

AMOS 4:13

Belanna tonganna Puangmo tu ungkombong buntu sia umpadadi angin, sia umpokadanni tolino tu apa lan penaanna, sia umpopemmalillinni tu arrang melambi’, sia unnola inan madao dao kuli’na padang – PUANG, Kapenombanna mintu’ ma’dandan maritik, iamoto tu SanganNa.

DANIEL 2:49

Napalalomi datu tu palakunna Daniel, anna dipatanggungi tu kaparentan dio propinsi Babel lako Sadrakh, Mesakh sia Abednego, na iatu Daniel tontong lan tongkonan layukna datu.

DANIEL 1:17

Nakamaseimi Puang Matua kapaissanan, kamatarrusan untandai mintu’ sura’ sia kakinaan tu to mangura sola a’pa’i, na iatu Daniel matarru’mo untandai ma’rupa-rupa patiro mendeata sia tindo.

YESAYA 45:4

Tu tete dio Yakub taungKu sia Israel, to Kupilei langsa’, angKu tambai tu sangammu sia angKu benko pa’gantianammu, moi ammu tang untandaiPa’.

PA’PUDIAN 139:2

Mitandai tu diona torro ke’de’ku; sia mambelapa Mitandaimi tu lalan tangnga’ku.

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.