DANIEL 2:29 - Sura' Madatu

²⁹ Iatu kamu, o datu, tommi mamma’ dao katindoammi, bu’tumi tu tangnga’ lan penaammi diona tu apa la dadi undinna; na Ia tu umpaombo’ mintu’ rasia, Ia dukamo tu mangka umpamanassai lako kalemi tu apa la dadi undinna.

DANIEL 2:29 Referans Kwoze

DANIEL 2:28

Apa den misa’ Kapenomban dao suruga, tu umpaombo’ mintu’ rasia. Iamo umpamanassai lako datu Nebukadnezar tu apa la dadi allo undi. Inde sia tu tindomi sia mintu’ patiro mendeatammi, tu bu’tu dio pentiromi dao katindoammi.

AMOS 4:13

Belanna tonganna Puangmo tu ungkombong buntu sia umpadadi angin, sia umpokadanni tolino tu apa lan penaanna, sia umpopemmalillinni tu arrang melambi’, sia unnola inan madao dao kuli’na padang – PUANG, Kapenombanna mintu’ ma’dandan maritik, iamoto tu SanganNa.

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

DANIEL 2:22

Ia umpaombo’i tu apa tang dilambi’ la diissan sia apa kabunian, Naissan duka tu apa lan malillinna sia siayoka kamasiangan.

YEHEZKIEL 38:10

Inde sia tu kadanNa Puangta PUANG, Nakua: Attu iato la bu’tu ba’tu pira-pira pa’timbangan lan penaammu; ammu tangnga’ apa kadake.

KADADIAN 41:25

Ma’kadami tu Yusuf lako Firaun nakua: Iate tindona Firaun misa’ bangsiari, iatu apa Napaden Puang Matua, Napaissanan Firaun.

DANIEL 2:23

Kamu, o Kapenombanna nene’ to doloku, tu kupudi sia kupakala’bi’, belanna mangkamoKomi ungkamaseina’ kakinaan sia kamatotoran, sia Mipokadammo’ totemo tu apa kipalaku lako Kalemi, belanna Mipaombo’mo lako kaleki tu diona a’ganna datu.

DANIEL 2:45

susitu mitiro tongan, misa’ batu, tang natumbu limanna tau, melolin dao mai buntu, anna nisak-nisakki tu bassi, tambaga, losso’ pitti’, salaka sia bulaan. PUANG Matua pasareongan mangka umpaissanni datu tu apa la dadi undi; tongannamo tu tindo sia tang balle tu sembangna.