DANIEL 11:7 - Sura' Madatu

⁷ Attu iato la tuo tu misa’ taruk dio mai uaka’na dio to’ inanna sia la male ullaoi surodadunna sia la tama bentengna datu rampe Daanna lu, anna palulun to patalo.

DANIEL 11:7 Referans Kwoze

LUKAS 12:20

Apa Nakua Puang Matua lako: E to baga, ia bangsiamote bongi iate nadituntun tu penaammu dio mai kalemu, namindamo la umpoapai tu mintu’na apa-apa mangka mupasakka’ to?

MALEAKHI 4:1

Belanna manassa la sae tu allo iato ma’ lana-lana susi dapo’ api. Attu iato, mintu’ to matampo, sia mintu’ to umpogau’ kakelokan la susi dalame, sia iatu allo la sae la umballa tau iato mai –, kadanNa PUANGna mintu’ ma’dandan maritik – naurungan moi iatu aka’ sia moi iatu tangke tae’mo ditampean tau iato mai.

YEHEZKIEL 17:18

Napamatunamo tu sumpa, belanna napoka tu basse; moi namangkamo sitoe lima, umpogau’i tu mintu’ apa iato; tae’ nala tilendok.

YEREMIA 12:2

Mitananmo tu tau iato mai sia mennuaka’mo; lobo’mo sia membuamo. Moi mandappi’Komi dio pudukna tau iato mai, apa mambela dio mai ba’tengna.

YESAYA 11:1

La mentaruk tu garempongna Isai sia mellolo namembua tu taruk uaka’na.

YESAYA 9:14

Iatu tedong pariu’ sia to la’bi’ iamo ulu, na iatu nabi umpa’pangadaran buttok iamo ikko’.

PA’PUDIAN 109:8

Nake madenge’i tu sunga’na, sia nake napasayu’i tau tu toena.

PA’PUDIAN 55:23

Sorongi lako PUANG tu kaselangammu, Ia la undaranaiko; inang tang Naeloran tu to malambu’ la tilende’.

AYUB 14:7

Belanna iatu garonto’ kayu dirannuan siapa, iake dilellengi, la mentaruk sule sia iatu taruk mane la dadinna tae’ natang tassu’.

DANIEL 11:6

Ba’tu pirang-pirang taun undinnato la sibassemi sola duai; iatu anakna baine datu rampe Lo’na lu la sae lako datu rampe Daanna lu la sitama, apa tae’ nala untoe manda’i tu kamatotoranna kuasanna, sia tae’ duka nala bendan matoto’ tu kuasanna datu rampe Daanna lu; iatu baine iato la ditibe, susi dukato tu to nasolan, sia iatu to padadianna sia iatu to umpobainei.

DANIEL 11:40

Apa iake attu ma’katampakannai la sae tu datu rampe Lo’na lu urrarii tu datu rampe Daanna lu, anna iatu datu rampe Daanna lu la ullaoi umbaa kareta sia pakkanarang sia kappala’ buda; la tama ullaoi tu tondok iato sia samasai-sainna ma’parekan susito uai saba’.