DANIEL 11:19 - Sura' Madatu

¹⁹ Undinnato ma’palulakomi tambakuku lan tondokna; apa la titodo anna tobang, sia tae’mo nala diapparan len.

DANIEL 11:19 Referans Kwoze

YEHEZKIEL 26:21

La Kupopendadiko tu apa metirambanan, sia la ratomoko. Anna daka’ko tau apa tae’moko nakabu’tui sae lakona, kadanNa Puangta PUANG.

PA’PUDIAN 37:36

Apa den tau lendu’ dio, natiroi, pa’demo, kudaka’, apa tae’mo kutiro lako.

YEREMIA 46:6

Iatu to matippa’ tang pakala umpallaian kalena sia to lalong tae’ duka natilendok: daanna lu dio randan salu Efrat titodo tu tau iato mai anna tibambang.

PA’PUDIAN 27:2

Iatonna laoina’ to kadake la morai ungkande duku’ku, iamotu mintu’ balingku sia ualingku, titodomi anna sumpandan.

AYUB 20:8

Pa’de susito pangimpi sia tang diappa’mo, disapui susito patiro mendeata ke bongi.

YESAYA 24:20

Iatu lino tire’ba len susito malango, tiseno len susito barung-barung pa’bongian, belanna natondon kamabandaranna kasalanna, naurunganni songka, tang nakullemo bangun sule.

DANIEL 11:7

Attu iato la tuo tu misa’ taruk dio mai uaka’na dio to’ inanna sia la male ullaoi surodadunna sia la tama bentengna datu rampe Daanna lu, anna palulun to patalo.

AYUB 34:24

iatu to paa Nasanggang Puang, anna tang diparessa, sia Naangka’ tu to senga’ ussondai.

PA’PUDIAN 37:35

Kutiromo tu misa’ to tang mekaaluk masa’ga’, umparumaka kalena susi balintoto loboran.