DANIEL 10:7 - Sura' Madatu

⁷ Aku manna, te Daniel, untiroi tu patiro mendeata iato, apa iatu to kusolan, tae’ anna tiroi; narampoimi misa’ katirambanan kapua tu tau iato mai, naurunganni mallai umpembunian kalena.

DANIEL 10:7 Referans Kwoze

PENGGAURANNA RASULU’ 9:7

Iatu to nasolan male littu bangmo ke’de’ urrangii tu gamara, apa moi misa’ tau tae’ nakita lako.

PENGGAURANNA RASULU’ 22:9

Iatu to kusolan nakita tu arrang, apa tae’ narangii gamaranNa tu To umpa’kadaina’.

KADADIAN 3:10

Mebalimi tolino nakua: Kusa’ding tu tengkaMi lan to’ pa’lak, mataku’mo’, belanna ma’kale-kalena’, iamoto angku membuni.

IBRANI 12:21

Lendu’ ia masangna tu patiro iato, naurunganni ma’kada tu Musa nakua: Ma’parondona’ mataku’.

YESAYA 2:10

Mallaiko tama sapak batu, sia mallaiko rokko garuang umpembunian kametakuranNa PUANG sia kamala’biran kapayunganNa.

YEHEZKIEL 12:18

E ma’rupa tau, la ma’parondoko ungkande rotimmu sia la ma’paganggangko sia rosso penaammu unniru’ uaimmu.

YEREMIA 23:24

Ma’dinraka misa’ tau umbuni kalena lan pembunian, anna tae’ Kutiroi? kadanNa PUANG. Tang umponnoiRa’ka langi’ sola lino? kadanNa PUANG.