DANIEL 10:16 - Sura' Madatu

¹⁶ Apa kutiro denmo misa’ apa susi rupa tolino ungkaka’ pudukku; kubungka’mi tu pudukku sia kuparanduk ma’kada angku kuai lako tu to bendan dio tingayoku, kukua: O Puang, ta’pa napamasakina’ te patiro mendeata iate, sia tae’mo kamabukuan torro lan kaleku.

DANIEL 10:16 Referans Kwoze

DANIEL 8:15

Iatongku tiroi, te aku Daniel, tu patiro mendeata iato sia moraimo’ la unnissanni tu battunanna, pakalan bendanmi dio tingayoku tu misa’ tau tu susi bang misa’ muane.

YESAYA 6:7

Napalakoi pudukku nama’kada, nakua: Iake narumbumi tu pudukmu te, ta’pa tilossok ta’ga’mi tu kakadakeammu sia diseroi tu kasalammu.

YEREMIA 1:9

Nae’te’mi PUANG tu limanNa, Nakaka’i tu pudukku, anNa ma’kada lako kaleku, Nakua: Tonganna Aku umpatamai kadangKu tu sadangmu.

DANIEL 8:27

Sia aku te, Daniel, langga’mo’ sia ba’tu pirang-pirang allomo’ masaki; undinnato milikmo’, angku pengkaranganni tu datu. Napussakkimo’ te patiro mendeata iate, apa moi misa’ tau tae’ untandai.

DANIEL 8:17

Saemi dio tu kuninna bendan; iatonna saemo, tirambanmo’ angku tukku rokko padang, apa ma’kada lako kaleku nakua: Tandai, e ma’rupa tau, kumua iate patiro mendeata iate umpatu attu ma’katampakanna lino.

DANIEL 7:28

Rampomo inde te tu kada iato. Iatu aku Daniel, mintu’ tu tangnga’ku umpamagiang tonganna’, naurunganni bali’ tu rupangku; sia mintu’ te kada iate kupalan penaangku.

DANIEL 7:15

Tigiang tu penaangku lan ba’tengku, te aku, Daniel, sia napatirambanna’ tu mintu’ patiro mendeata, tu bu’tu dio pentiroku.

KADA OMBO’ LAKO RASULU’ YOHANES 1:13

Sia lan tangnga-tangngana tongkonan palita iato den misa’ susi Anak rampan dilino, ma’bayu lamba’, na dadanNa ma’pali’ bulaan.

YOHANES 20:28

Mebalimi Tomas sia nakua lako: O Puangku sia Kapenombangku.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

LUKAS 1:64

Ta’pa tiku’bi’mi tu pudukna natiba’tik tu lilana Zakharia nama’kada-kada umpudi-pudi Puang Matua.

DANIEL 12:8

Kurangi sia tu iannato, apa tae’ kupebuyu’i angku ma’kada kukua: O puang, umbara la nakua kasundunanna te apa iate?

DANIEL 9:21

marassan bangsiapa’ ma’kada tongku massambayang, saemi tu misa’ muane, iamotu Gabriel, tu mangka kutiro dolona lan patiro mendeata, matira’ tongan mentia’ umperreke’ina’, tonna attu pemala’ karoen.

YEHEZKIEL 33:22

Nata’paimo’ limanNa PUANG tonna ibongi, tonna tae’pa nasae tu to lussu’: iatonna sattu’mora nasae lako kaleku tu to lussu’ tonna melambi’, Nabungka’mi Puang tu pudukku sia tae’mo kumamang.

YEHEZKIEL 3:27

Apa iangku pa’kadaimoko, la Kubungka’ tu sadangmu, ammu pokadai lako, kumua: Inde sia tu kadanNa Puangta PUANG: Minda-minda morai untananni talinga, nama’perangi, na minda-minda tae’ natananni talinga da’imito. Belanna to pabali-bali tu tau iato mai.

YEHEZKIEL 1:26

Dao apa tiampa’ dao ulunna, den tu apa ditiro susi parimata lasuri’, tu ma’rupa isungan kapayungan; na dao apa susi isungan kapayungan nanii unnisung tu ditiro ma’rupa tau.

TOMANGADA’ 1:18

Belanna kabudanna kakinaan nanii buda kamasussan, sia iake den tau urrangnganni kapaissananna, urrangnganni duka karossoanna.

TO PARENGNGE’ 13:8

Attu iato mengkamoyami tu Manoah lako PUANG sia ma’kada, nakua: O PUANG, ke ma’dinni iatu taunNa Puang Matua, tu mangka Misua, nasaepa pissan lako kaleki umpatudukan, apa tu sipatu la kipogau’ lako tu pia muane la dadi.

TO PARENGNGE’ 6:15

Ma’kadami tu Gideon lako, nakua: O Puang, apara la kupake la urrampananni tu to Israel? Manassa iatu pa’rapuangku iamo bitti’na lan suku Manasye na iatu aku te anak tampak dio to padadiangku.

TO PARENGNGE’ 6:13

Apa ma’kada tu Gideon lako nakua: O puangku, iake Narondongkan PUANG, ma’apai anna rampoimokan te mintu’na te? Umbamira tu tanda mangnga tu nauleleangkan nene’ to doloki, tu nakua: Tang PUANG raka ussolangkan lan mai Mesir? Apa totemo Nasualemokan PUANG sia Nasorongmokan tama limanna to Midian.

YOSUA 5:14

Apa mebali, nakua: Tangia, sangadinna aku te Arungna mintu’ ma’dandan maritikNa PUANG; totemo saemo’. Tukkumi menomba tu Yosua rokko padang sia ma’kada lako nakua: Apara kadanNa Puangku lako taunna?

KATASSURAN 4:13

Ma’kadami tu Musa nakua: Messimanna’ Puang, melo ke iamo Misua minda-minda tu sipatu la Misua.

KATASSURAN 4:10

Ma’kadami tu Musa lako PUANG, nakua: Messimanna’ Puang, iate aku te tangiana’ to rangga lila, la tonnanu’ la totemo, moi ia duka tomMi randuk ma’kada lako taumMi, sangadinna iate aku te to magasa pudukna’ sia tang malute ma’kada.

DANIEL 4:19

Sangattu’ to naalami sumangnga tu Daniel, tu diganti Beltsazar, iatu tangnga’na umpamagiang penaanna. Ma’kadami tu datu lako nakua, E Beltsazar, da napamagiangko tu tindo iato sola sembangna. Mebalimi tu Beltsazar nakua: O puangku, kenna iaora tu to ungkabiri’komi napatu tu tindo iato sia kenna ualimmiora narampoi tu sembangna.

DANIEL 8:18

Iatonna marassan ma’kada lako kaleku, limpumo’ sia lumbang rokko padang; apa naremme’na’ anna pabendanna’ sule,