DANIEL 10:12 - Sura' Madatu

¹² Ma’kadami lako kaleku nakua: Da mumataku’, e Daniel, belanna randuk dio mai allo bunga’na muparinaai la morai unnissanni sia umpamadiongan penaammu dio oloNa Kapenombammu, dirangimo tu kadammu sia saemo’ bannang dio kadammu.

DANIEL 10:12 Referans Kwoze

DANIEL 10:19

Da mumataku’, e to tarru’ dipakaboro’, torro marampa’ko, mengkabatta’ko, ondongpi mengkabatta’ko. Iatonna marassan ussipa’kadanna’, matoto’mo’, angku ma’kada kukua: O puangku, ma’kadamokomi, belanna mangkamo’ mipamatoto’.

YESAYA 58:9

Iammu metamba, la nabaliko PUANG; iammu mengkamoya lako, la Nakuangko: Inde siaNa’. Iammu patoyangi dio mai kalemu tu mintu’ ayoka pa’pakario-rio sia pa’dullu-dullu sia kada pelo’bo,

MATIUS 28:5

Ma’kadami tu malaeka’ sia nakua lako tu baine; Da mimataku’, belanna kuissan kumua undaka’komi Yesu, tu dia’ta’.

YESAYA 65:24

La dadi, iake tae’pi nameongli’ tu tau iato mai, la mebaliMo’ sia iake marassan bangsiai ma’kada, la Kutarimamo.

YESAYA 41:10

Da mumataku’, belanna Kurondongko; da mumagiang mentiro tiku lao, belanna Akumo tu Kapenombammu, Kupamatoto’ko sia Kutundui dukako, sia Kusande’ dukako lima kananKu tu umpaden kasalamaran.

YESAYA 41:14

Da mumataku’, e Yakub pada ulli’, e Israel bangsa bitti’! Akumote tu untunduiko, kadanNa PUANG, na iatu Pela’bakmu iamo To maserona Israel.

YESAYA 35:4

Pokadanni tu to magiang penaanna kumua: Pabatta’i tu penaammi, da mimataku’! Manassa iatu Kapenombammi la sae ma’papakkanni, la sae umbaa pa’pabala’Na Puang Matua; la sae anNa rampanangkomi.

LUKAS 24:38

Nakuami Yesu lako: Ma’apari mibata-batara sia sala tangnga’?

SURA’ KATOMINAAN 16:31

Allo iato la dadi misa’ allo katorroan sundun lako kalemi kumua ammi pamadiongan penaammi; iamote tu misa’ atoran matontongan.

SURA’ KATOMINAAN 16:29

Iamote tu la dadi atoran matontongan lako kalemi kumua: Ianna bulan ma’pempitu sia allo bunga’na bulan iato la umpamadiongangkomi penaammi, da mimengkarang, moi misa’ pengkarangan da mikarangi, la to Israel, iamotu pa’tondokan, la to sae tu torro dio lu kalemi.

KADA OMBO’ LAKO RASULU’ YOHANES 1:17

Iatongku tiromi, songkamo’ rokko to’ lentekNa susito mate. Naremme’mo’ lima kananNa, nama’kada Nakua: Da mumataku’. Akumo tu pamulanna sia ma’katampakanna,

PENGGAURANNA RASULU’ 27:24

nakua: Da mumataku’, Paulus! Tae’ nasalai tang mennoloko dio olona datu kapua, tiromi Nasorongmo Puang Matua lako kalemu tu mintu’ to musolan massombaran.

PA’PUDIAN 69:10

Belanna kamakaritutuan diona banuamMi umpapuru’mo penaangku, sia mintu’ pabe’sena to umbe’seKomi, narampoimo’.

LUKAS 2:10

Nakuami tu malaeka’ lako: Da mimataku’, belanna la kupokadangkomi kaparannuan kapua tu dipadenan angganna tolino,

LUKAS 1:30

Nakuami tu malaeka’ lako: Da’ mumataku’, e Maria, belanna mulambi’mo tu kamamasean dio mai Puang Matua.

LUKAS 1:13

Apa nakua tu malaeka’ lako: Da mumataku’, Zakharia, belanna ditarimamo tu palakummu; iatu bainemu Elisabet la napadadiangko misa’ pia muane, la musangai Yohanes.

MARKUS 16:6

Nakuami tinde to mangura lako: Da mitiramban; undaka’komi Yesu to Nazaret, tu mangka dia’ta’. Malimbangunmo Ia, tae’mo Ia naindete; tiromi tu naninna tau umpatorroI.

MATIUS 28:10

Nakuami Yesu ungkuanni: Da mimataku’! Laomokomi umpokadanni sangsiulurangKu, anna lao lako Galilea, nadio nanii untiroNa’.

DANIEL 10:11

Ma’kadami lako kaleku nakua: E Daniel, to tarru’ dipakaboro’, palan penaai te kada la kupokadangko sia bendanko, belanna totemo disuana’ sae lako kalemu. Iatonna pokadai te iannate lako kaleku, bendanmo’ ma’parondo.

KADIBILANGAN 29:7

Iake allo ma’pessangpulo lan te bulan ma’pempitu la mipogau’ tu kasirampunan masero sia la umpamadiongkomi penaammi sia da mipogau’ misa’ pentoean.