BATING 5:7 - Sura' Madatu

⁷ Iatu mai ambe’ki kasalammo, totemo pa’demo, na iatu mintu’ salana, kami nasang umpassanni.

BATING 5:7 Referans Kwoze

YEREMIA 31:29

Attu iato tae’mo nala den tu kadanna tau kumua: Mintu’ ambe’ ungkande bua anggoro’ makkan, anna isinna anakna mangilu.

YEREMIA 16:12

Sia belanna kamu te umpogau’ kakadakean losong anna nene’ to dolomi, iamotu pada unturu’mokomi kamakarrasan penaa kadakemi sia manoka umperangiiNa’,

YEHEZKIEL 18:2

Umbara mikua ammi poparumbasanni te parumbasan iate dio tondok Israel kumua: Mintu’ ambe’ ungkande bua anggoro’ mamata, anna anakna langgang issinna?

YEREMIA 14:20

O PUANG, kitandaimo tu katangmekaalukangki sia kakadakeanna nene’ to doloki, kumua kasalammokan lako Kalemi.

KATASSURAN 20:5

Da’ mutukku umpenombai sia da’ mupengkaolai, belanna Akumo PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna, sae lako osso’ ma’pentallunna sia ma’penna’pa’na tu mintu’nato ungkabiri’Na’,

YEREMIA 31:15

Nakua kadanNa PUANG: Perangii, dio Rama den bating sia tangi’ tu mandu merio-rio, iamotu Rahel untangi’i mintu’ anakna, natang pakaranga-ranganna, belanna tae’mo tu anakna.

KADADIAN 42:36

Nakuami lako tu Yakub, ambe’na: Mipasisayuranna’ anak, belanna pa’demo tu Yusuf sia Simeon duka; totemo la miala pole’omo tu Benyamin. Mintu’nate napasumpu tonganna’!

ZAKHARIA 1:5

Iatu mintu’ nene’ to dolomi, umbamira nanii? Sia mintu’ nabi tuoraka tontong sae lakona?

AYUB 7:21

Ma’apari amMi tang umpagarri’ri tu kapatodo-tintingangku? sia ma’apari amMi tang umpa’dei tu kakelokangku? Belanna madomi’na’ sumpandan lan to’ barra’-barra’; attu iato la Midaka’na’, apa ta’demo’.

AYUB 7:8

Minda-minda umpata’paina’ mata, tae’mo nala untirona’; mipapatuimo’ matammi, apa ta’demo’.

KADADIAN 42:13

Nakuami tu tau iato mai: Kami te sangpulo duakanni massiulu’, misa’ ambe’rakan dio tana Kanaan, iatu bongsunna totemo torro sola ambe’ki, na iatu misa’na’ pa’demo.

KADIBILANGAN 14:18

PUANG tu kalando pesuka’ sia kapua kamasokananNa, tu umpagarri’ kakelokan sia kapatodo-tintingan, tu tae’ Naeloranni tang la diukung tu to sala, apa Napapakkanni tu kakadakeanna mintu’ ambe’ sae lako anakna sae lako osso’ ma’pentallunna sia ma’penna’pa’na.

YEREMIA 16:11

La mupokada lako tau iato mai, kumua: Belanna natampeMo’ nene’ to dolomi, kadanNa PUANG, sia unturu’mo kapenomban senga’ sia umpengkaolai sia tukku umpenombai sia natampeMo’ sia tae’mo nakaritutui tu Sukaran alukKu.

YEHEZKIEL 16:58

Mintu’ tu penggauran mesirisammu sia apa megalliammu tu mutanggung kalena, kadanNa PUANG.