BATING 5:5 - Sura' Madatu

⁵ Nati’tin to unnula’kan tu sokkongki, bo’yo’mokan ma’diama, natae’ napopelayokan.

BATING 5:5 Referans Kwoze

BATING 1:14

Iatu ayoka kakadakeangku magasa, tu Napasikande-kande limanNa Puang: Iatu apa iato unti’tin sokkongku, tu umpamoro’ kamatotorangku; Nasorongmo’ Puang tama lisu pala’na, to tang kusau’ unneai.

YEREMIA 28:14

Belanna inde sia tu kadanNa PUANGna mintu’ ma’dandan maritik, Kapenombanna to Israel, Nakua: Kupapassanni ayoka bassi tu sokkongna mintu’ bangsa iate, la umpengkanorongi Nebukadnezar, datu Babel, na bangsa iato mai mengkanorong lako kalena; moi anna iatu mintu’ olo’-olo’ dio lu padang Kukamasean dukai.

YEREMIA 27:8

Na iatu bangsa ba’tu kadatuan tu manoka umpengkanorongi, iamo Nebukadnezar, datu Babel, sia tu manoka napaayokai datu Babel, tu bangsa iato la Kuparampoi kandean pa’dang sia karorian sia ropu, kadanNa PUANG, Kuurungan ussorong pissanni tama kuasanna.

PA’TOLE 28:48

iamoto la napotauko mintu’ ualimmu, tu Napake’de’ PUANG ullaoiko, ammu tangdia’ sia ma’rang sia ma’kambelang sia kapu’duran mintu’ apa; Puang la umpapassanni ayoka bassi dao sokkongmu, anNa pisanniko.

PENGGAURANNA RASULU’ 15:10

Iake susito ma’apai ammi toba-toba Puang Matua ammi papassanni lemba tu mai to menturu’, tu tang nabelanna napassan nene’ to dolota ba’tu kita te.

MATIUS 11:29

Endekammi tu panglembaKu sia melada’komi lako Kaleku; belanna Aku malamma’ sia umpamadiongan penaa; ammi alan kapelayoan kalemi.

BATING 4:19

Mintu’ to unnula’ki’ matira’ ia anna langkan maega dao langi’, masarrang tongan unnula’ki’ dao buntu, sia naodo’ki’ dio lu padang pangallaran.

YEREMIA 27:2

Inde sia tu kadanNa PUANG lako kaleku, Nakua: Garagangko kalemu ba’tu pira-pira ulang sia ayoka, passanni dao sokkongmu,

YEREMIA 51:58

Inde sia tu kadanna PUANGna mintu’ ma’dandan maritik, kumua: Iatu tambakuku makambanna Babel la disanggang anna sirante padang, sia iatu babangan malangka’na la disumpun, naurungan bo’yok punala bang tu mintu’ bangsa sia mara’tak tu mai to sangpetayanan ungkarangi tu apa la nakande api.

MIKHA 2:3

Iamoto, inde sia tu kadanNa PUANG, Nakua: Tonganna la Kupasae tu kasanggangan lako bangsa iate, tu tae’ minii umbelai urriu’ barokomi lan mai, ba’tu malolo lumingka lan, belanna iamo misa’ attu kadake.

BATING 1:3

Iatu Yehuda lo’bangmo napobua’ kamandasan, sia napobua’ pa’diaman magasa; torro dio lu mintu’ bangsa, apa tae’ naappa’ karapasan; iatu mintu’ to unnula’i unnappa’i, lan lu kapussakan.