BATING 4:22 - Sura' Madatu

²² Upu’mo tu kakadakeammu, e anak dara Sion, tae’mo anNa la umpali’ko Puang. La napapakkanni Puang tu mintu’ kakadakeammu, e anak dara Edom, sia la Napapayan tu kasalammu.

BATING 4:22 Referans Kwoze

YESAYA 40:2

Ma’kadakomi la umpamanamanni tu penaanna to lan Yerusalem, pemandui meoli lako kalena, kumua upu’mo tu mintu’ kamasarasanna sia tila’bakmo tu mintu’ salana; naappa’mo penduan manglokkon dio mai limanNa PUANG belanna mintu’ kasalanna.

YEREMIA 50:20

Allo iato sia attu iato, kadanNa PUANG, la didaka’ tu kakadakeanna Israel, apa tae’, sia iatu kasalanna Yehuda, apa tae’ diapparan, belanna la Kupagarri’ kasalanna minda-minda tu Kupopa’elo’napa la torro.

PA’PUDIAN 137:7

Papakkanni, o PUANG, tu bati’ Edom, diona tu allo kasangganganna Yerusalem, tu mangka ma’kada nakua: Saeranni, saeranni,

MALEAKHI 1:4

Iake ma’kadai tu Edom nakua: Mangkamokanni disanggangi, apa la kibangun sule tu inan daun lauan – manassa inde sia tu kadanNa PUANGna mintu’ ma’dandan maritik, Nakua: Moi nabangunni tu kotana, apa inang la Kusanggang; la nasangai tau tu tau iato mai: lili’ katangmekaalukan, sia: bangsa narua kasengkeanNa PUANG tontong sae lakona.

YEHEZKIEL 37:28

Anna tandai mintu’ bangsa, kumua Akumo tu PUANG, tu umpamarimbangan to Israel, belanna iatu inan maindanKu bendan dio lu tangngana tontong sae lakona.

BATING 4:21

Parannu bangmoko sia sende paimanko, e anak dara Edom, tu torro dio lili’na Us – la ditadoan dukamoko tu irusan, naurunganni malango sia ma’kambelang.

BATING 4:6

Belanna iatu kakadakeanna anak dara bangsaku mandu kapua anna kasalanna Sodom, tu dibaliangan lan sangkappidian mata, moi misa’ tau tae’ ungkasara’i.

YEREMIA 33:8

Sia la Kupemaseroi tu tau iato mai dio mai mintu’ kakadakeanna tu napobannang kasalan lako Kaleku sia umboko’iNa’.

YEREMIA 32:40

Sia la untananNa’ basse matontongan sola tau iato mai, kumua tae’ Kula toyang dio mai kalena umpogauranni melo sia la Kupalan penaanna tu kamengkaolan lako Kaleku, kumua damo natoyang tu tau iato dio mai Kaleku.

YESAYA 60:18

Tae’mo dirangi len tu kama’parukuan lan tondokmu, ba’tu kasanggangan sia kamasolangan lan lili’mu, sangadinna iatu benteng tembo’mu la mugente’ kasalamaran sia iatu babangammu Kama’pudian.

YESAYA 52:1

Matangkinko, matangkinko, pakei tu kamawatangammu, e Sion; pakei tu pakean ballomu, e Yerusalem, tondok maindan. Belanna tae’mo anna la tama mati’ tu to tang disunna’ ba’tu to maruttak.

YEREMIA 33:7

Sia la Kupopembali tu toto’na Yehuda sia Israel sia la Kupabangun tu tau iato mai susito dolona.

YEREMIA 49:10

Apa la Kukalokoi tu Esau sia mintu’ tu inan membuninna Kupaombo’mo; iake la morai umbuni kalena, tae’ nakullei. Iatu mintu’ tarukna sia mintu’ bati’na la disabu’i sia moi misa’ sangbanuanna tae’ untundui, kumua:

YEHEZKIEL 6:12

Minda-minda tu mambelanna la mate napobua’ ra’ba biang, minda-minda tu mandappi’na la tibambang nakande pa’dang; na minda-minda tu torronapa sia tilendoknapa la mate napobua’ karorian; la Kutappui tu mintu’ kare’dekan ara’Ku la Kuparampoan tau iato mai.

MALEAKHI 1:3

apa iatu Esau Kukabiri’ sia iatu buntunna Kupopendadi lo’bangmo sia iatu taa mana’na Kusa’biangan lako serigala dio padang pangallaran.

OBAJA 1:10

Belanna penggauran masa’ga’ tu mupogau’ lako siulu’mu Yakub, iamoto la natodingko siri’, sia la dipisanniko tontong sae lakona.