BATING 4:10 - Sura' Madatu

¹⁰ Iatu limanna baine matirinna untollo’mo anakna; iamoto tu napokande, tonna lambi’ kasangganganna tu anak dara bangsaku.

BATING 4:10 Referans Kwoze

BATING 2:20

O PUANG, tiroi sia pemarangai! Mindara tu Mipasusito? Sipaturaka tu baine ungkande anakna, iamotu pia naria? Sipaturaka lan inan maindanNa Puang dipatei tu to minaa sia nabi?

YESAYA 49:15

Ma’dinraka misa’ baine ungkalupai anak sumusunna, anna tang ungkatirinnai tu anak natibussanan? Kenna la ungkalupai tonganni baine iato mai, manassa tae’ Aku Kukalupaiko.

YEREMIA 19:9

La Kupakande dukapa duku’ anakna muane sia anakna baine tu tau iato mai; pada la ungkande duku’na solana lan kapu’duran sia kapussakan, tu nalaoanni ualinna sia napapussakanni to undaka’ lalan la ungka’tu sunga’na.

YEHEZKIEL 5:10

Iamoto lan lu tangngamu iatu ambe’ la ungkande anakna na iatu mai anak la ungkande ambe’na. Aku la umpaolaiko salunna, na mintu’ tu torrona dio mai kalemu la Kuambo’ lako mintu’ matanna angin.

BATING 4:3

Moi serigala umpatado sia ia susunna, la nasusu anakna; apa iatu anak dara bangsaku masarrangmo, susi burung unta dio lu padang pangallaran.

BATING 3:48

Lolong-lolong tu uai matangku susitu uai salossok, natumang kasangganganna anak dara bangsaku.

SURA’ KATOMINAAN 26:29

Ammi kandei tu duku’na anakmi muane sia duku’na anakmi baine.

2 DATU 25:3

Iatonna allo ma’pengkasera bulan (ma’penna’pa), tonna lendu’ ia ma’irrikna karorian lan kota, naurungan tae’mo rotinna tu mai to buda lan tondok,

BATING 2:11

Saunanmo tu matangku tumangi’, iatu ba’tengku naponnoi kamagiangan, rantang tonganmo tu buaku napobua’ kasangganganna anak dara bangsaku, belanna iatu mai pia’-pia’ sia iatu mai ma’susunnapa tibambang ma’ipu dio lu tana lapang lan kota.

YESAYA 22:2

E kota ponno arrak sia angnga’, e tambakuku ponno kasolleran! Iatu mintu’ taummu mate, tang mate nakande bassi sia tang songka lan tananan ra’.