BATING 3:25 - Sura' Madatu

²⁵ Masokan tu PUANG lako tu umpeagii, sia lako tu penaa umpeangI.

BATING 3:25 Referans Kwoze

YESAYA 40:31

Apa iatu to untayan PUANG la umba’rui kamatotoranna, anna mettia’ kendek langngan susi langkan maega. Tau iato mai la lumingka tang mekaboyo’, la sumalong tang mekata’ka’.

PA’PUDIAN 37:34

TayanNi tu Puang sia karitutui tu lalanNa, anna Ia umpamatandeko muurunganni umpomana’i tu padang iato. Sia la mutiro umba nakua kadirotosanninna tu to tang mekaaluk.

YESAYA 25:9

Allo iato la ma’kada tu tau kumua: Inang Iamo Kapenombanta te, tu tanii sande’, kumua Iamo la urram- panangki’; Iamo PUANG te, tu taposande’; maikomi anta unnarrak sia parannu diona kadirampanan lu dio mai Puang.

BATING 3:26

Melo ke rapa’ penaai tu tau umpeagi kamakarimmananNa PUANG;

PA’PUDIAN 27:14

Peagimi tu PUANG, melo ke batta’ko, sia kalebu penaammu. Sia peagimi tu PUANG.

PA’PUDIAN 37:7

Parapa’i tu penaammu dio oloNa PUANG sia tayanNi; da mukaredei tu to maupa’ lalanna, sia iatu umpalolang tangnga’ kelok.

YESAYA 30:18

Iamoto ma’tayan-tayan duka tu PUANG la ungkamaseikomi sia la bendan duka, anNa karimmannikomi, belanna PUANG iamo Puang Matua tu umpogau’ kamalamburan, maupa’ tu mintu’ to untayannI!

2 OSSORANNA DATU 31:21

Mintu’ pengkarangan tu naparandukmo diona kapengkaolan lan banuanNa Puang Matua sia iatu Sukaran aluk sia pepasan, tu nanii undaka’ Kapenombanna, napogau’ situang kalantukan penaanna, sia maupa’ lan mintu’nato.

YAKOBUS 5:7

Iamoto, e sangiulurangku, ma’tan penaakomi sae lako allo kasaeanNa Puang. Tiromi, tu to ma’pa’lak untayan bua malapu’ diong mai padang; napama’tanan penaa sae lako nata’painna uran masonak sia uran ma’pangalla’.

HOSEA 10:12

Mangambo’komi situang kamalamburan, mebura padangkomi situang kamamasean, bungka’komi padang ba’ru. Iake susito, nalambi’mo attunna la undaka’ PUANG, kumua anNa sae sia umpasaeangkomi uran kamaloloan.

YESAYA 64:4

Tempon dio mai tae’ anna rangi lenni tau ba’tu tama talinga sia tae’ natiroi mata tu misa’ Kapenomban senga’ anna Kamu, tu sae umpalalao pa’tunduan lako to untayanNi.

2 OSSORANNA DATU 15:2

Malemi umpessitammui Asa, nama’kada lako nakua: Perangiina’, e Asa, sia mintu’ to Yehuda sia to Benyamin. Narondongkomi PUANG, ke mengkara’pakomi lako Kalena; iake midaka’I, manassa la miappa’; apa iake miboko’i, manassa la Naboko’i dukakomi.

YESAYA 55:6

Daka’i tu PUANG, su’ding ma’din siaPi diappa’; massambayangkomi metamba lako, su’ding mandappi’ siaPi.

PA’PUDIAN 61:5

La mari’pina’ lan tendaMi sae lakona, sia la mentilindungna’ diong to’ ongan pani’Mi. Sela

PA’PUDIAN 39:7

Iatu mintu’ tau timbayo bangri susi bayo-bayo; ussara’i punala bang kalena, untombon ianan, apa tae’ naissanni minda la umpomaruai.

PA’PUDIAN 27:8

Penaangku unturu’i tu kadamMi, kumua: Daka’Na’ mipellindoiNa’. La kudaka’Komi, KupellindoiKomi, o PUANG.

PA’PUDIAN 25:8

Iatu PUANG masokan sia manappa’, iamoto anNa ada’i lalanNa tu to kasalan.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

PA’PUDIAN 119:2

Maupa’ mintu’ to unnanna rara’i tu kasa’bianNa, sia to kalebu tallang penaanna undaka’ Puang.

KADADIAN 49:18

Umpeagina’ kamakarimmanan tu bu’tu dio mai Kalemi, o PUANG!

1 TESALONIKA 1:10

sia untayan kasaeanNa AnakNa dao mai suruga, tu mangka Napamalimbangun dio mai to’ to mate, iamotu Yesu, tu ullendokangki’ dio mai kasengkean la sae undinna.

PA’PUDIAN 22:26

Lu mati’ Kalemi tu kapa’pudi-pudiangku lan lu kombongan kalua’, sia iatu pangallonangku la kupalesso’ dio tingayona to ungkataku’ Puang.

ZEFANYA 3:8

Iamoto, tayanNa’, kadanNa PUANG, to allo la Kunii ke’de’ unnala pangrampa; belanna mangkamo Kura’ta’ la urrampunni tu bangsa sia umpulungi tu kadatuan, sia umbarrakanni tu kare’dekan ara’Ku lako tau iato mai, iamotu mintu’ kasengkean dukkungKu, belanna api kamangimburuangKu la umpurai nakande tu mintu’ kuli’na padang.

YESAYA 26:9

Kalebu tallang tu penaangku lan ungkamali’Komi ke bongi, ondongpi iatu ba’tengku lan undaka’ bangKomi; belanna iake rampomi tama lino tu mai ukungamMi, attu iato mintu’ issinna lino umpelada’i kamaloloan.

PA’PUDIAN 105:3

Massattuangkomi diona sanga maseroNa; mintu’ to undaka’ PUANG sipatu la sende batu ba’tengna.

PA’PUDIAN 61:1

Lu lakona pangala sengo. Dipasiala oni katapi. Pa’pudianna Daud.

PA’PUDIAN 69:32

Mandu naala ia penaanNa PUANG tu iannato anna iatu sapi laki, ba’tu anak sapi tu ketanduknamo sia kekanukunnamo.

2 OSSORANNA DATU 30:19

tu mintu’ to umpasakka’ penaanna la undaka’ Puang Matua, iamotu PUANG, Kapenombanna nene’ to dolona, moi anna tang sitinaya kamaseroan tu sipatu lako apa maindan.

2 OSSORANNA DATU 19:3

Moi susito den duka sia dio kalemi tu ba’tu pira-pira kameloan, belanna iatu mai lentong dipodeata miputtai lan mai tondok sia mipabatta’ tu penaammi undaka’ Puang Matua.

EZRA 8:22

Belanna masiri’na’ umpalakui lako datu tu surodadu sia pakkanarang la ungkampaikan dio mai ualingki dio lu kalingkangki, belanna ma’kadakanni lako datu, kumua: Pa’kaboro’Na Kapenombanta urrande pala’i tu mintu’ to undaka’i, apa iatu kuasanNa sia kare’dekan ara’Na unneai tu toumboko’i.

PA’PUDIAN 71:14

Apa la tontongna’ marannu, sia la kupasakendek-kendeknapa tu kadipudi-pudianMi;