BATING 3:24 - Sura' Madatu

²⁴ Nakua penaangku: PUANGmo tu ba’gi mana’ku, iamoto anna Ia kurannuan.

BATING 3:24 Referans Kwoze

PA’PUDIAN 73:26

Moi anna sanggang tu batang kaleku sia ronta’ tu penaangku, apa Puang Matuari buntu batunna penaangku sia kupomana’ tontong sae lakona.

PA’PUDIAN 16:5

PUANGmo tu ba’gi kupomana’ sia luangna irusangku, Kamu duka tu umpantok serongku.

BATING 3:21

Inde sia tu la kupalan penaa, iamoto angku ma’rannuan:

PA’PUDIAN 142:5

Iake mentirona’ lako kananku sia umpata’pa matangku – moi misa’ tau tae’ ussailena’; iake tae’mo pentionganangku – moi misa’ tau tae’ ungkambaroanna’.

PA’PUDIAN 33:18

Manassa iatu matanNa PUANG tontong untiro to ungkataku’I, sia to umpeagi kamasokananNa Puang,

YEREMIA 51:19

Apa tae’ nasusito tu taana Yakub; Iamo To kumombongna sanda mairi’ sia Israel tu Garonto’ mana’Na; iamo digente’ PUANGna mintu’ ma’dandan maritik.

PA’PUDIAN 31:24

Kamali’mi tu PUANG e mintu’ to Naala mase; Narinding pala’ PUANG tu to maruru’, apa iatu to umpogau’ kamatampoan Napapakkanni kapua.

YEREMIA 10:16

Apa tae’ nasusito tu taana Yakub; Iamo Tokumombong sanda mairi’ sia garonto’ mana’Na to Israel: tu digente’ PUANGna mintu’, ma’dandan maritik.

1 PETRUS 1:21

bannang diomora Kristus, ammi patongan Puang Matua, tu umpamalimbangunNi dio mai to’ to mate sia Naba’gi kamala’biran, naurunganni lu lako Puang Matua tu kapatonganammi sitonda kapa’rannuanammi.

ROMA 15:12

Sia nakua Yesaya: La bu’tu tu uaka’na Isai, sia Iamotu la bendan umparenta mintu’ to kapere’; Iamo la naposedanan rannu to kapere’.

PA’PUDIAN 130:7

E to Israel, sande’komi lako PUANG! Belanna dio PUANG den kamasokanan, sia den duka buda kadilendokan dio.

PA’PUDIAN 84:12

Belanna PUANG Kapenomban, iamo matanna allo sia balulang toto’, sia PUANG umpa’ben pa’kamase sia kamala’biran; sia tae’ duka kameloan tang Naben to lolang malambu’.

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

PA’PUDIAN 43:5

Ma’apai ammu ma’dosso-dosso, e deatangku, sia apara bannangna ammu ma’rundede lan kaleku? Rannuanni tu Puang Matua, belanna inang la kupudipa, tu To ullendokanna’ sia Kapenombangku!

AYUB 13:15

Moi Namorai tu Puang umpateina’, tontong duka kurannuan; ondongpi iatu gau’ku moraina’ untongananni dio oloNa.

1 OSSORANNA DATU 5:20

Ditunduimi tu tau iato mai sirari to Hagri, naurunganni iatu to Hagri sola mintu’ solana disorong tama limanna, belanna meongli’ lan kasirarian lako Puang Matua, anNa perangii tu pasambayangna, belanna ma’rannuan lako.

1 SAMUEL 30:6

Kapussakan tongan tu Daud, belanna iatu to buda sipa’kada-kada la untumbui batu, belanna kamapallanna penaanna tu to buda, tu diona anakna muane sia diona anakna baine, apa iatu Daud umpabatta’ penaanna urrannuan PUANG, Kapenombanna.

PA’PUDIAN 119:57

Iatu PUANG iamo kataanangku, kuallu’mo la ungkaritutui kadamMi.

PA’PUDIAN 42:11

Butung misa’ petobok lan lu bukungku, susimoto tu nabe’seanna’ mintu’ to unneana’, belanna tontong bangna’ nakuan kumua: Umbamira tu Kapenombammu?

PA’PUDIAN 42:5

Iake kukilalai tu diona te, mamalling tu penaangku lan ba’tengku: Iamotu tumbai tu kamangkangku ussolan to buda, ma’baanan lako banuanNa Puang Matua, sila’tekan sia ussa’bu’ pa’pudi-pudian, iamotu to buda tu umpakaraya allo kapua.

PA’TOLE 18:2

apa dio lu siulu’na tae’ taa mana’na, belanna PUANG tu taa mana’na, susitu mangka Naalluranni Puang.

AYUB 22:25

sia iake To umpoissan angge maritik umpoianan bulaan tang dikombong, sia umpoianan salaka,

PA’PUDIAN 71:14

Apa la tontongna’ marannu, sia la kupasakendek-kendeknapa tu kadipudi-pudianMi;

PA’PUDIAN 94:19

Iatonna sakerangngan-rangngannamo tu kamagiangan lan ba’tengku, napasendemi mintu’ pa’pakatanamMi tu penaangku.

MIKHA 7:7

Apa iatu aku la ma’penununa’ untayan PUANG, sia la umpeagina’ Puang Matua, oto’na kasalamarangku; la Naperangiina’ Kapenombangku.