BATING 2:6 - Sura' Madatu

⁶ Narondonnimi tu tendaNa ten to rompo, iatu inan kasitammuanNa Nasanggangmo. Napamalingmo PUANG tu tau lan Sion. Anna tang ungkilalai pa’gauran sia allo katorroan, sia diona kama’lulu-luluanna kasengkeanNa anNa sayui tu datu sia to minaa.

BATING 2:6 Referans Kwoze

ZEFANYA 3:18

Mintu’ tu to rosso penaanna, sikambela kasirampunan pa’gauran, manassa la Kurampun; inang naala bilangammu. Nati’tin kadilo’boan tu tau iato mai butung panglemba.

BATING 1:4

Iatu mintu’ lalan lako Sion madu’sen, belanna tae’ tau sae umpakaraya pa’gauran; iatu mintu’ babanganna makarorrong, mintu’ to minaanna sisumarroan, mintu’ anak dara dio dosso inaa, sia ia kalena mapa’di’ penaanna.

BATING 4:16

PUANG kalenamo umpatisambo’-sambo’i tu tau iato mai; Tae’mo Nasailei tu tau iato mai. Iatu tau iato mai tae’ nakatirinnai tu to minaa, Sia iatu to matua tae’ nakaturu-turui.

MALEAKHI 2:9

Iamoto Kupopendadikomi to dilo’bo sia dipopengkadiongan dio tingayona mintu’ to buda, belanna tae’ mituru’i tu mintu’ lalanKu sia mipelindo tu tau, ke mipa’pangadaranni tu Sukaran aluk.

YEHEZKIEL 17:18

Napamatunamo tu sumpa, belanna napoka tu basse; moi namangkamo sitoe lima, umpogau’i tu mintu’ apa iato; tae’ nala tilendok.

BATING 5:12

Natoke’ tu mintu’ arung dao kayu, sia tae’ nakasiri’i tu lindona to matua.

BATING 4:20

Iatu penaa tassu’ dio to’ illongta, tu Natokko PUANG, didammak dio to’ kalo’tokna, tu tatangnga’ kumua: diong pentiongananna tanii tuo dio lu mintu’ bangsa.

YESAYA 64:11

Iatu banua maindanki sia mala’bi’ tu nanii nene’ to doloki umpudi-pudiKomi, puramo naballa api sia mintu’ apa keangga’ki daun lauan nasangmo.

YESAYA 63:18

Sattu’ri napoapai to maseroMi tu tondokMi; sia iatu inan maindanMi nasilullu’i ualingki.

YESAYA 43:28

Iamoto angKu sallangi tu mintu’ pangulu inan maindan, angKu eloranni tu Yakub disabu’i butung pepayu sia dilo’bo-lo’bo tu Israel.

YESAYA 5:5

Iamoto la Kupokadangkomi totemo tu apa la Kugauranni tu pa’lak anggoro’Ku kumua: La Kulalakki tu rompo durinna, anna taloi olo’-olo’ sia la Kukakei tu tembo’na anna disilessakki.

YESAYA 1:13

Da’mo mibaa pemala’ naturu’ tang ponno inaa – iatu iannato iamo pangrambu tagari lendu’ Kupomagallinna, mintu’ pa’pakaraya bunga’ sombona bulan sia allo katorroan sia kasitamban ma’gau’ – tae’ angKu ma’tananni penaa tu kakelokan dipasituang pa’maruasan memala’.

YESAYA 1:8

Na iatu anak dara Sion tinampe ten to lantang lan to’ pa’lak anggoro’ sia butung to kalumba lan to’ katimun, susito kota dipatama limbu lao.

PA’PUDIAN 89:40

Mangkamo Mipoka tu basseMi sola taumMi, sia Mipamatunamo tu makotana naurunganni ronno’ sala rokko padang.

PA’PUDIAN 80:12

Napopendolok tu mai tangkena sae tama tasik, sia mintu’ lolona sae tama Salu.

PA’PUDIAN 76:2

Iatu Puang Matua kalelean lan tana Yehuda, sia iatu sanganNa mala’bi’ lan tana Israel.

YEREMIA 17:27

Apa iake manokakomi umperangiiNa’, kumua: la mipamadatu tu allo katorroan sia da mimamaa sia umbaa pamaan tama babangan Yerusalem ke allo katorroan, manassa la umpadukkuNa’ misa’ api lan babanganna, tu la ussappii mintu’ tongkonan layukna Yerusalem sia tang pa’de-pa’deanna.

YEREMIA 50:28

Den kadanna dirangi tu to mallai tilendok dio mai tondok Babel la umpa’peissananni dio Sion tu pa’pakkanNa PUANG, Kapenombanta, iamotu pa’pakkanNa diona banua kabusunganNa.

SURA’ KATOMINAAN 26:31

Iatu mai kotami la Kupadaun lauanmo sia la Kusanggang tu inan maindanmi sia manokaMo’ unnudukki tu bau busarungngu’na tu apa la mitunuanNa’.

PA’PUDIAN 74:7

Naballa api tu inan maindanMi, sia naruttakki tu banua nanii sangamMi sae lako padang.

YESAYA 5:6

La Kupopempangala’ sia tae’ duka anna la dipetangkei sia la dibingkung, anna duri manna sola a’da’ tuo lan; la Kukuan duka tu salebu’ da anna pato’doi uran.

YEREMIA 42:18

Belanna nakua kadanNa PUANGna mintu’ ma’dandan maritik, Kapenombanna to Israel: Susitu kasengkeangKu sia kare’dekanna ara’Ku tibarrakmo lako to lan Yerusalem, susi dukamoto tu kare’dekanna ara’Ku la tibarrak lako kalemi, ke malekomi lako Mesir, ammi dadi tampakan ropu sia to metakuran sia sapuan pala’ sia kaditattan sia tang la mitiromo te inan iate.

YEREMIA 45:4

Susite tu la mupokada lako, Nakua kadanNa PUANG: Iatu apa mangka Kubangun Aku kalena la usseranni sule, na iatu apa mangka Kutanan Aku kalena la undu’dukki sule.