BATING 2:20 - Sura' Madatu

²⁰ O PUANG, tiroi sia pemarangai! Mindara tu Mipasusito? Sipaturaka tu baine ungkande anakna, iamotu pia naria? Sipaturaka lan inan maindanNa Puang dipatei tu to minaa sia nabi?

BATING 2:20 Referans Kwoze

BATING 4:10

Iatu limanna baine matirinna untollo’mo anakna; iamoto tu napokande, tonna lambi’ kasangganganna tu anak dara bangsaku.

YEREMIA 19:9

La Kupakande dukapa duku’ anakna muane sia anakna baine tu tau iato mai; pada la ungkande duku’na solana lan kapu’duran sia kapussakan, tu nalaoanni ualinna sia napapussakanni to undaka’ lalan la ungka’tu sunga’na.

PA’PUDIAN 78:64

Siapanammo tu mintu’ to minaanna nakande bassi mataran, natae’ anna batingi to balunna.

BATING 4:13

Iatu iannato buntu tumangna kasalanna tu mai nabinna, sia kakadakeanna tu mai to minaanna, tu mangka umpatibollo rarana to malambu’ lan tangnga-tangngana Yerusalem.

PA’TOLE 9:26

sia massambayangna’ lako PUANG. Ma’kadana’ kukua: O Puangku PUANG, da Mimangsanni te mai bangsaMi sia tau mana’Mi, tu Milendokan tete dio kapasareonganamMi sia Misolan lan mai Mesir tete dio lima mawatang.

KATASSURAN 32:11

Mengkamase-masemi tu Musa dio oloNa PUANG, Kapenombanna nakua: O PUANG, ma’apari amMi la umparampoiri kare’dekanna ara’Mi tu taumMi tu Misolan lan mai tondok Mesir tete dio kamatotoran kapuaMi sia lima mawatangMi?

YEHEZKIEL 5:10

Iamoto lan lu tangngamu iatu ambe’ la ungkande anakna na iatu mai anak la ungkande ambe’na. Aku la umpaolaiko salunna, na mintu’ tu torrona dio mai kalemu la Kuambo’ lako mintu’ matanna angin.

BATING 4:16

PUANG kalenamo umpatisambo’-sambo’i tu tau iato mai; Tae’mo Nasailei tu tau iato mai. Iatu tau iato mai tae’ nakatirinnai tu to minaa, Sia iatu to matua tae’ nakaturu-turui.

BATING 1:19

Metambana’ lako mintu’ muane ungkamali’na’, apa napopa’elo’nana’ sia napakenana’. Mintu’ to minaangku sia pekaamberangku ka’tumo sunga’na lan kota, tonna undakaran kande kalena, la natoean sunga’na.

YEREMIA 5:31

Mintu’ nabi ma’nubua’ tang tongan sia mintu’ to minaa undi duka mesaro la’da’ sia mintu’ taungKu umporai tu iannato. Na apamora la mipogau’ ke katampakannai?

SURA’ KATOMINAAN 26:29

Ammi kandei tu duku’na anakmi muane sia duku’na anakmi baine.

YESAYA 22:2

E kota ponno arrak sia angnga’, e tambakuku ponno kasolleran! Iatu mintu’ taummu mate, tang mate nakande bassi sia tang songka lan tananan ra’.

2 OSSORANNA DATU 36:17

Napasaeammi datu to Kasdim tu tau iato mai, tu umpepai pa’dang tu mintu’ to manguranna muane lan inan maindanna, tae’mo nakasayangi tu to mangura muane ba’tu anak dara, ba’tu to matua sia to ubanan; mintu’nato Nasorong nasang tama kuasanna.

YEREMIA 21:7

Mangkato, kadanNa PUANG, la Kusorong tu Zedekia, datu Yehuda sia mintu’ pareana sia iatu mai to buda, tu nasesannapa ra’ba biang sia kandean pa’dang sia karorian lan kota iate, tama limanna Nebukadnezar, datu Babel, sia tama limanna ualinna, sia tama limanna to la ungka’tu sunga’na; anna tang mamase sia tang mario sia tang maturu umpakandei bassi mataran tu tau iato.

YEHEZKIEL 9:7

Ma’kadami lako tau iato mai Nakua: Ruttakki tu Banua Kabusungan sia ponnoi batang rabukna tu mai tarampak. Malemokomi, ammi papatean lan lu kota.