BATING 2:16 - Sura' Madatu

¹⁶ Napengangaimoko sadangna mintu’ ualimmu, ma’telle-telle tu tau iato mai sia singgarigi’-rigi’ isinna, anna ma’kada nakua: tasanggangimi. Ondong pissan iate allo iate iamo allo tapiang-piang, talambi’mo sia tatiromo.

BATING 2:16 Referans Kwoze

PA’PUDIAN 35:21

Nabakkak tongan tu sadangna umpengangaina’, anna ma’kada, kumua: Ha, ha, natiromo matangki.

BATING 3:46

Napengangaimokan sadangna mintu’ ualingki.

PA’PUDIAN 56:2

Katuru-turuina’, o Puang Matua, belanna la nalullu’na’ tolino, napasumpuna’ tu mai uali kiallo-kiallo.

PA’PUDIAN 37:12

Iatu to tang mekaaluk untambuk kadake lako to malambu’ sia nasangiran isi.

YEREMIA 51:34

Napepuraimo’ nakande Nebukadnezar, datu Babel, sia nasanggangna’ napatorrona’ susi kandean lo’bang; naampello’na’ susito a’ganna ula’ naga; napa’pediaran saponnona tambukna tu mai kande mammi’ku namane untumpuna’.

PA’PUDIAN 124:3

manassa mangkamoki’ naampello’ tuo, tonna re’dek tu ara’na lako kita.

PA’PUDIAN 35:16

Susi to tang mekaaluk patelle-telle sia umbarakki kande mammi’, ussangiranna’ isi.

PA’PUDIAN 22:13

Ba’tu sangapa tedong laki untikuimo’, penamile mawatang dio mai Basan ussikarupuimo’.

PENGGAURANNA RASULU’ 7:54

Iatonna rangii tinde tau tu iannato, re’dekmi ara’na sia singgarigi’-rigi’ isinna untiroi.

HOSEA 8:8

Diampello’mo tu Israel. Totemo diomo lu mintu’ bangsa susi misa’ pareanan, tu moi misa’ tau tae’mo umporai.

YEHEZKIEL 36:3

Iamoto ma’nubua’ko sia ma’kadako kumua: Inde sia tu kadanNa Puangta PUANG, Nakua: Tonganna belanna nasanggangkomi sia nalullu’komi tau dio mai mintu’ sulapa’, kumua anna alakomi napomana’ mintu’ bangsa torronapa, sia belanna naulelean kadakekomi sia napalele bekokomi tau.

YEHEZKIEL 25:15

Inde sia tu kadanNa Puangta PUANG, Nakua: Belanna iatu to Filistin nanannan bang randang tu to Yehuda sia umpogau’ kadakena lako, belanna umpabala’i gau’na to Yehuda situang pa’telle-telle, tu umpamapallai sia pasaburan bang tete dio kasiualian tontong sae lakona,

YEHEZKIEL 25:6

Belanna inde sia tu kadanNa Puangta PUANG: Belanna massala’pa-la’pamoko sia mentarassa-rassamoko sia lendu’ parannummu untelle-telle tondok Israel, tu umpamapallai,

YEHEZKIEL 25:3

pokadanni to Amon kumua: Tananni talinga tu kadanNa Puangta PUANG: Inde sia tu kadanNa Puangta PUANG Nakua: Belanna mupa’pallakan tu diona inan maindanKu, tonna diruttakki, sia diona tondok Israel, tonna disanggangi, sia diona to Yehuda, tonna male dipali’,

YEREMIA 50:17

Iatu Israel butung to misa’ domba dipakasingkiran, tu naula’ ba’tu pira-pira singa. Pamulanna naampello’ datu Asyur, ma’katampakanna totemo iatu bukunna nale’to-le’to Nebukadnezar, datu Babel.

YEREMIA 50:7

Iatu tau iato mai napurai nakande mintu’ to unnapparanni sia nakua tu mintu’ ualinna: Tae’ kisala, belanna kasalammo tu tau iato mai lako PUANG, tu inanna kamaloloan, ondongpi lako PUANG, pa’rannuananna nene’ to dolona.

YESAYA 49:19

Belanna iatu tembo’ ro’pokmu sia tondok sanggangmu sia padang talomu – apa totemo si’pi’mo tu tau umpa’tondokkiko, sia mintu’ tu to umbala’-bala’ko la toyang mambela dio mai kalemu.

PA’PUDIAN 112:10

Iatu to tang mekaaluk rosso la untiroi tu iannato umpasisange’ isinna, anna poton; sia iatu kamaduanganna to tang mekaaluk tang lolo’.

PA’PUDIAN 109:2

Belanna iatu sadangna to tang mekaaluk sia lando pa’du napengangaimo’; sia nalangdona’ tongka’ lila mo’rangna.

PA’PUDIAN 57:3

Meongli’na’ lako Puang Matua, Puang Patodoranna, lako Puang Matua, tu umpasundunanna’ mintu’ apa.

PA’PUDIAN 41:8

Mintu’ to ungkabiri’na’, sibisik-bisik umpokadana’, sia sanda kakadakean, natannunanna’ nakua:

PA’PUDIAN 35:25

Da anna ma’kada lan penaanna, kumua: Ha! susimo pa’poraiangki to! Sia da anna ma’kada kumua: Kiampello’mo!

YEREMIA 29:18

Kuula’ pa’dang sia Kuparampoi karorian sia ra’ba biang tu tau iato mai sia la Kupadadi misa’ apa metakuran lako mintu’ kadatuan lan lino, sia apa nasa’bu’ tau, ke ma’tampak ropui sia apa megiangan sia apa nabellu’i tau sia kaditattan dio lu mintu’ bangsa, tu la Kunii unnula’i male tu tau iato mai.

YEREMIA 26:6

manassa iate banua la Kupasusi Silo, sia kota iate la Kusanggang anna sa’bu’i mintu’ bangsa dao kuli’na padang ke ma’tampak ropui.

BATING 1:21

Narangimo tau iato mai umba nakua tu sarroku; apa moi misa’ tau tae’ tu umpakatanana’; narangi mintu’ ualingku tu kamandasangku; parannu-rannumo tu tau iato mai, belanna Mipogau’mo tu iannato, belanna Miparampomo tu allo mangka Mipa’peissanan – kenna dadiora susi aku tu tau iato mai,

YEHEZKIEL 5:15

Nasusito la dadiko misa’ apa ditatta sia dibe’se, tu umpandan pa’pakilala sia misa’ apa napotiramban mintu’ bangsa untikuiko, ke Kuparampoimoko ukungan tete dio kasengkean sia kare’dekan ara’ sia peada’ masarrang. Akumo, PUANG, tu mangka ma’kada.

YEHEZKIEL 23:32

Inde sia tu kadanNa Puangta PUANG Nakua: La muiru’ tu apa lan irusanna sangbainemu, iamotu irusan maliku sia kalua’; la napakitaiko tau sia natelle-telle; buke tu irusan iato.

MIKHA 4:11

Moi totemo budamo tu bangsa sirampun unneako, tu ma’kada nakua: Da’ito namatuna, sia naporai matanta mentiro lako Sion!