BATING 1:7 - Sura' Madatu

⁷ Lan allo kamaparrisanna sia kalumioranna, iatu Yerusalem tontong ungkilalai, tu mintu’ apa keangga’, tu mangka naampui lan allo lendu’mo; iatonna tobangmo tu bangsana tama limanna ualinna, sia tae’mo to patunduanna, natiromi ualinna, sia napetaai, belanna kasangganganna.

BATING 1:7 Referans Kwoze

PA’PUDIAN 79:4

Napobe’seammokan sangtondokki, sia Napotule’-tuleran sia Napoparumbasanmokan bali lembangki.

PA’PUDIAN 42:4

Tae’mo kukumande sangadinna uai matangku mannamo kuparra keallo kebongi, belanna nakuan bangmo’ tau kiallo kumua: Umbamira tu Kapenombammu?

LUKAS 16:25

Apa nakua Abraham: E anakku, kilalai tommu tuopa mangkamoko unnala kataanan melomu, susi duka tu Lazarus mangkamo unnalai tu kadakena, apa totemo iamo dipakatana, natang mutananmo iko tu parri’mu.

LUKAS 15:17

Tonna kilalaimo kalena, nakuami: Ba’tu pira-pira sia tu to ussaro kande dio ambe’ku tang umpura-pura kande, na ratomo’ aku dikka’ te mangelo.

MIKHA 4:11

Moi totemo budamo tu bangsa sirampun unneako, tu ma’kada nakua: Da’ito namatuna, sia naporai matanta mentiro lako Sion!

HOSEA 2:7

Apa tae’ natandai, kumua Akumo tu mangka umbenni gandung, anggoro’ ba’ru sia minna’, sia Aku duka mangka umpopemba’karanni tu salaka sia bulaan, tu napake umpenombai Baal.

BATING 4:17

Tontong bang tu matanta ma’penunu sia ma’peagi – apa tae’ gai’na; dao menara pa’kampanta tanii umpemantangi tu misa’ bangsa tang nakulle merampanan.

YEREMIA 37:7

Inde sia tu kadanNa PUANG, Kapenombanna to Israel, Nakua: La mikua ma’kada lako datu Yehuda, tu ussuakomi la mekutana lako Kaleku: Tonganna iatu surodadunna Firaun, tu tassu’mo la untunduikomi, la sule lako tondokna, lako tondok Mesir.

PA’PUDIAN 77:3

Iatongku pussak undaka’mo’ Puang, sia ia duka kebongi tang mata’ka’na’ umpatado pala’ku, sia tang pakatana-tananna tu penaangku.

AYUB 29:2

A’a, kengku susiopara tonna bulan dolo, susi tonna allo nanii Puang Matua ungkaduttu’na’;

YESAYA 64:11

Iatu banua maindanki sia mala’bi’ tu nanii nene’ to doloki umpudi-pudiKomi, puramo naballa api sia mintu’ apa keangga’ki daun lauan nasangmo.

YEREMIA 48:27

Tang mutelle-telleraka tu to Israel; dikabu’tuiraka sola to boko, muurunganni unniling-iling, ke mulambi’ kadaoi tu diona a’ganna?

YESAYA 64:10

Iatu kota maindanMi mempadang aakmo, ia duka tu Sion mempadang aakmo sia iatu Yerusalem kariuammo.

YEHEZKIEL 25:3

pokadanni to Amon kumua: Tananni talinga tu kadanNa Puangta PUANG: Inde sia tu kadanNa Puangta PUANG Nakua: Belanna mupa’pallakan tu diona inan maindanKu, tonna diruttakki, sia diona tondok Israel, tonna disanggangi, sia diona to Yehuda, tonna male dipali’,

YEHEZKIEL 25:6

Belanna inde sia tu kadanNa Puangta PUANG: Belanna massala’pa-la’pamoko sia mentarassa-rassamoko sia lendu’ parannummu untelle-telle tondok Israel, tu umpamapallai,