22 kumua anna sae dio oloMi tu mintu’ kakadakeanna tau iato mai! Pogau’i lako tau iato mai, susitu mangka Mipogau’ lako kaleku natumang mintu’ salaku, belanna lendu’ ia budanna sarroku, sia masaki ara’na’.
Metambami umpekapuai gamaranna nakua: Sangapapi, o Puang maindan sia tongan, Mimane unnukungi sia umpembalaran raraki lako mintu’ to untongkonni kuli’na padang?
Napasaemi tu api dao mai madaona; Napasonglo’mo sae tama bukungku; Natananni porro’ tu lentekku sia Naturrunna’ lako boko’; Napatorro to pussakmo’, mandasa situ’turan allo.
Belanna kanapa’dikkiangku sia kanata’takangku, iamoto anna dipabala’i tu Babel, la nakua to tu tau lan Sion, sia belanna kadibolloanna raraku, anna dipabala’i tu mintu’ pa’tondokan Kasdim, la nakua to tu to Yerusalem.
Apa Kamu, o PUANG, unnissanni tu tangnga’na tau iato mai la umpateina’, da Miseroi tu kakadakeanna sia da Mipa’dei tu kasalanna dio mai oloMi, sangadinna la tibambang dio oloMi. Ukungi tu tau iato mai, ke nalambi’mi tu attu kasengkeamMi.
Barrakanni tu kare’dekamMi lako mintu’ bangsa, tu tae’ natandaiKomi, sia lako mintu’ pa’rapuan tu tang metamba ussa’bu’ sangamMi; belanna naampello’mo tau iato mai tu Yakub, ondongpi naampello’ sia nasappii sia napopempadang lo’bang tu tondok natorroi.
Apara bannangna anna la ma’kadara tu to kapere’ kumua: Umbamira tu Kapenombanna? Melo ke naissanni to kapere’ dio tingayoki, tu diona kaMipembalianganna tu mai rarana taumMi tu mangka dipato’do.
Iamoto, mintu’ tu to unnampello’ko, la diampello’ sia mintu’ ualimmu la dirampa, iatu mintu’ to unnala toro apammu la diala toro duka apanna, sia mintu’ to umpangrampaiko la Kupopa’elo’na dipangrampai.