BATING 1:2 - Sura' Madatu

² Unnade-ade tumangi’ situ’turan bongi, sia umpendau’ uai matanna, moi misa’ tau tae’ bang umpakatanai, dio lu tu mintu’ muane ungkamali’i; iatu mintu’ sangmanena tang maruru’mo lako kalena, anna mendadi ualinna.

BATING 1:2 Referans Kwoze

PA’PUDIAN 6:6

Belanna lan kamatean tae’mo kapengkilalan lako Kalemi, sia lan lino to mate mindapa la umpudiKomi?

MIKHA 7:5

Da’mo mipatonganni tu solami, da’mo mikatappa’i tu sangmanemi; kanandai tu pudukmu lako tu baine mamma’ diong riammu.

BATING 1:21

Narangimo tau iato mai umba nakua tu sarroku; apa moi misa’ tau tae’ tu umpakatanana’; narangi mintu’ ualingku tu kamandasangku; parannu-rannumo tu tau iato mai, belanna Mipogau’mo tu iannato, belanna Miparampomo tu allo mangka Mipa’peissanan – kenna dadiora susi aku tu tau iato mai,

BATING 1:19

Metambana’ lako mintu’ muane ungkamali’na’, apa napopa’elo’nana’ sia napakenana’. Mintu’ to minaangku sia pekaamberangku ka’tumo sunga’na lan kota, tonna undakaran kande kalena, la natoean sunga’na.

BATING 1:9

Iatu kamaruttakanna le’ke’ lako biring dodona; tae’ natangnga’-tangnga’i tu katampakanna, anna tobang rokko posi’ tana lambe’, na moi misa’ tau tae’mo umpakatanai. Tiroi, o PUANG, tu kamaparrisangku, belanna matampo tu ualingku!

YEREMIA 30:14

Tang nakilalaimoko mintu’ muane pa’kaboro’mu, tae’mo napekutanan lenko. Kupakario-rioko susi uali ma’pakario-rio, susito tang mamase ma’pa’dikki, belanna kakapuanna kakadakeammu sia lendu’ budanna kasalammu.

YEREMIA 13:17

Iake manokapokomi umperangiite, manassa la tumangi’ tu penaangku dio lu inan kabunianna diona kamatampoan, sia la si’dan-si’danna’ tumangi’, sia sitanutuan tu uai matangku, belanna dipali’mo tu pangkambi’Na PUANG.

YEREMIA 9:1

A’a, kenna la uai tu ulungku sia matangku susito kalimbuang, angku tangi’i ke allo ke bongi tu mintu’ to dipongko dio lu anakna baine bangsaku.

YEREMIA 4:30

Iamoto apa la mupogau’, e iko tu sanggangmo, moi ammu ma’pakean lango-lango, moi ammu beloi ma’rupa-rupa bulaan tu kalemu, moi ammu ba’da’i malotongi tu matammu? Tae’ gai’na mubeloi tu kalemu susito, mintu’ pa’pangngan buni ussayuko sia morai ungka’tu sunga’mu.

PA’PUDIAN 31:11

Belanna samandappi’-dappi’na sunga’ku napobua’ karossoan, sia rondon bala batu tu taun katuoangku napobua’ kasumarroan, moro’mo tu kamabukuangku natumang salaku, sia langga’ mintu’ bukungku.

KADA OMBO’ LAKO RASULU’ YOHANES 17:16

Na iatu sangpulo tanduk sia olo’-olo’ tu mutiro, iamo la ungkabiri’ pa’gau’ sala iato anna kalosso’i sia nakambelangi, sia la nakande tu duku’na sia natunu api.

KADA OMBO’ LAKO RASULU’ YOHANES 17:13

Samaturu’mi sola nasangi, anna sorongi tu kamawatanganna sia kakuasanna lako olo’-olo’ iato.

HOSEA 2:7

Apa tae’ natandai, kumua Akumo tu mangka umbenni gandung, anggoro’ ba’ru sia minna’, sia Aku duka mangka umpopemba’karanni tu salaka sia bulaan, tu napake umpenombai Baal.

YEHEZKIEL 16:37

iamoto, manassa la Kupasipulung tu mintu’ muane ungkamoraiko, tu musede anna poraiko, la mintu’ tu muporainna, la mintu’ tu musayunna: la Kupasipulung dio mai mintu’ inan unneako sia la Kukambelangiko dio tingayona tu tau iato mai, anna tiroi tu kasirisammu.

BATING 2:11

Saunanmo tu matangku tumangi’, iatu ba’tengku naponnoi kamagiangan, rantang tonganmo tu buaku napobua’ kasangganganna anak dara bangsaku, belanna iatu mai pia’-pia’ sia iatu mai ma’susunnapa tibambang ma’ipu dio lu tana lapang lan kota.

YEREMIA 3:1

(Saemi kadanNa PUANG urrampoina’, nakua): Iake denni misa’ muane untantang bainena, anna male napobainei to senga’, la ma’dinraka tu muane dolona ussulei? Tae’raka nala maruttak tu tondok napobua’? Apa moi muma’gau’ salamo sola buda pa’gau’ sala, la susi bangrokoka to sule lako Kaleku? kadanNa PUANG.

SARAMBU PEADA’ 19:7

Iatu to kalala’ nakabiri’ mintu’ siulu’na, ondong pissanpi iatu mintu’ sangmanena untoyangan kalena dio mai. Iake napaula’i kadanna, – ta’deomi tu tau iato.

AYUB 7:3

Susi dukato tu aku dipaketaa kamaparisan pirang-pirang bulan, sia dipapatuanna’ kamandasan pirang-pirang bongi.

AYUB 6:15

Iatu mintu’ siulu’ku tang manappa’ susito salu’-salu’, susito uai saba’ ullempanni randanan;

PA’PUDIAN 126:5

Iatu to mantanan situang uai matanna, la mepare situang la’tek silelean.

YEREMIA 2:25

La mukanandai tu lette’mu, da nasanggang tu putu’ lette’mu sia iatu gora-goramu da namarangke; apa mukua: tae’, tae’mo gai’na, belanna kukamali’ tu to sae.

PA’PUDIAN 69:21

Iatu kadibe’sean urranna’mo penaangku, napourunganni langga’ tu kaleku, untayanna’ masena tau, apa tae’ra, sia untayanna’ to ma’pakatana, apa tae’ra.