BATING 1:16 - Sura' Madatu

¹⁶ Iamoto angku tumangi’ bang, iatu matangku, iatu matangku sitanutuan tu uainna, belanna sikambelana’ to ma’pakatana, tu umpapaya deatangku; iatu mai anakku muane pussakmo, belanna mawatang tu uali!

BATING 1:16 Referans Kwoze

BATING 1:2

Unnade-ade tumangi’ situ’turan bongi, sia umpendau’ uai matanna, moi misa’ tau tae’ bang umpakatanai, dio lu tu mintu’ muane ungkamali’i; iatu mintu’ sangmanena tang maruru’mo lako kalena, anna mendadi ualinna.

BATING 2:18

Meongli’mi tu penaanna bangsa iato mai langngan Puang. – E, rinding tembo’na anak dara Sion, Da’ito anna silindangan tu uai matammu susi salu’-salu’ ke allo sia ke bongi, da mumelayo len, sia iatu mata taummu da natorei tumangi’.

BATING 2:11

Saunanmo tu matangku tumangi’, iatu ba’tengku naponnoi kamagiangan, rantang tonganmo tu buaku napobua’ kasangganganna anak dara bangsaku, belanna iatu mai pia’-pia’ sia iatu mai ma’susunnapa tibambang ma’ipu dio lu tana lapang lan kota.

YEREMIA 14:17

Iamoto pokadai te lako tau iato mai, kumua: Tae’ torena sitanutuan tu uai matangku ke bongi sia keallo, belanna anak dara, lai’na bangsaku bangkemo, iamotu bangke kapua, belanna nakandalan pa’dang.

YEREMIA 13:17

Iake manokapokomi umperangiite, manassa la tumangi’ tu penaangku dio lu inan kabunianna diona kamatampoan, sia la si’dan-si’danna’ tumangi’, sia sitanutuan tu uai matangku, belanna dipali’mo tu pangkambi’Na PUANG.

PA’PUDIAN 119:136

Iatu uai matangku lolong susi uai salossok, belanna tae’ tau umpengkaolai sukaran alukMi.

HOSEA 9:12

Moi umpelobo’i pia muane tu tau iato mai, la Kupasisayuran, naurunganni moi misa’ tau tae’mo torro. Manassa upu’ allona tu tau iato mai, ke untoyangammo’ Kaleku dio mai.

BATING 1:9

Iatu kamaruttakanna le’ke’ lako biring dodona; tae’ natangnga’-tangnga’i tu katampakanna, anna tobang rokko posi’ tana lambe’, na moi misa’ tau tae’mo umpakatanai. Tiroi, o PUANG, tu kamaparrisangku, belanna matampo tu ualingku!

YEREMIA 9:21

Iatu mammaran mata menteka’mo tama pentiroangki, sia tarru’mo tama tongkonan layukki, sia ummangsanni pia dio lu lalan, sia to mangura dio lu padang;

YEREMIA 9:10

Diona tu mintu’ buntu angKu tumangi’ sia untannun bating sia diona tu lili’na padang alla’ angKu sumarro, belanna talomo sia tae’mo misa’ tau unnolai sia tae’mo oni ma’dandan patuoan dirangi dio; la mintu’ manuk-manuk dao lu langi’ la mintu’ olo’-olo’, mallai nasangmo, pa’de pallan.

YEREMIA 9:1

A’a, kenna la uai tu ulungku sia matangku susito kalimbuang, angku tangi’i ke allo ke bongi tu mintu’ to dipongko dio lu anakna baine bangsaku.

TOMANGADA’ 4:1

Kutiro pole’omi tu mintu’ pa’pakario-rio tu dipogau’ lan naarrang matanna allo, tiromi tu uai matanna mintu’ to dipakario-rio, namoi misa’ tae’ tau umpakatanai tu tau iato mai; rampe dio tu to ma’pakario-rio den kakuasan – namoi misa’ tae’ tau umpakatanai tu tau iato mai.

PA’PUDIAN 69:20

Miissan tu kadibe’seangku sia siri’ku sia attangangku, sia mintu’ to umpandasana’ bendan dio oloMi.

YEREMIA 8:18

Tang kutanan tongan mapa’dikna tu penaangku, lendu’ masussanna penaangku!

PA’PUDIAN 106:42

Iatu tau iato mai napakario-riomo mintu’ ualinna, naurungan umpopengkanorongi tama lisu pala’na.

YESAYA 54:11

E iko, to mandasa sia to narua angin bara’ sia to tang dipakatana, tiroi, la Kuato’ tu batummu Kupi’da’ batu tambaga sia la Kuparandanganniko parimata lasuri’.

YEREMIA 15:5

Belanna mindapara tu la ungkamaseiko, e Yerusalem, sia mindapara la umpokariangangko, ba’tu mindapara la lempang umpekutanangko.