AYUB 9:8 - Sura' Madatu

⁸ Ia manna misa’ umpatiballa’ langi’ sia umpopentengka lentekNa dao ma’bombangna tasik.

AYUB 9:8 Referans Kwoze

YESAYA 44:24

Inde sia tu kadanNa PUANG, Pela’bakmu sia To tumampamu tempon lan mai pa’tambukanna indo’mu: Akumo tu PUANG ungkombong nasangi te mintu’na; Aku manna umpalumbangi te langi’; Aku manna umpatungarai te tana kalua’ tete dio kamatotorangKu.

YESAYA 40:22

Iatu Puang unnisung dao lino malepong, na iatu tolino butung bangri batik. Ia umballa’ langi’ takua to sampin, Naballa’ susito tenda nanii torro.

ZAKHARIA 12:1

Inde sia tu kada Napa’petanggungan Puang Matua, iamotu kadanNa PUANG diona Israel. Susite tu kadanNa PUANG, tu umballa’ langi’ sia umparandanganni lino sia ungkombong penaanna tolino lan ba’tengna.

AYUB 37:18

Ma’dinrokomika susi Puang umpalumbangi tu mai gaun, anna dadi langi’ maka’da’ susito misa’ sammin dipati’no’?

YEREMIA 10:11

– La susi kadammi lako tau iato mai, kumua: Iatu mintu’ deata, tu tae’ napadadi langi’ sola lino, la pa’de dao mai kuli’na padang sia lan mai nasambo langi’, –

PA’PUDIAN 33:6

Tete dio kadanNa PUANG anna kombong tu mai langi’, susi dukato tu mintu’ mengkaponanna dao langi’ kombong tete dio angin sun dipudukNa.

YOHANES 6:19

Iatonna agi la’bimo lima ba’tu la’biraka annan kilo mambelanna nanii ma’bose, pakalan natiromi tu Yesu untete uai tasik sae umpentireke’i lembangna, mataku’mi tinde tau.

YESAYA 42:5

Inde sia tu kadanNa Puang Matua, Iamotu PUANG, tu umpadadi sia umpalumbang batara, tu umballa’ lipu daenan sia mintu’ apa tuo lan; tu umpatamai penaa mintu’ to untongkonni kuli’na padang sia umpatamai sumanga’ tu mintu’ to lolang lan.

AYUB 38:16

Mulambi’raka rokko tu mata kalimbuangna tasik, sia muolairaka lendu’ tu mandalanna tasik, tu dibunian tolino?

AYUB 38:11

tongKu ma’kada Kukua: Rampo indemokote sia da mulendu’i, indemote tu nanii torro tu sumopana bombangmu!

PA’PUDIAN 77:19

Iatu oni guntu’Mi menanan, sia iatu kila’ unnarrang lino, na iatu lino rumonting sia tiseno.

KADADIAN 1:1

Iatonna tipamulanna, Napadadii Puang Matua tu langi’ sola lino.

AYUB 26:7

Nae’te’ tu rampe daanna lu daona lu apa tang tibori’pa, Natoke’ tu lino dao apa tae’.

AYUB 26:13

Tete dio penaanNa namasero tu langi’ sia limanNa urrokki tu ula’ naga malinta’.

YESAYA 51:13

Ammu kalupai tu PUANG, To tumampamu, tu umpalumbang langi’ sia umparandanganni lino, ammu tontong bang tu’tu’ allo ungkataku’ kamasarranganna to ma’pakario-rio, ke tumayai la pasanggangi? Umbamira tu kamasarranganna to ma’pakario-rio?

YEREMIA 10:12

Iamo Puang tu mangka umpadadi lino tete dio kamatotoranNa sia tu umpatepu lipu daenan tete dio kakinaanNa sia umballa’ langi’ tete dio tangnga’ kinaanNa.

YEREMIA 51:15

Iamo PUANG tu mangka umpadadi lino tete dio kamatotoranNa sia tu umpatepu lipu daenan tete dio kakinaanNa sia umballa’ langi’ tete dio tanga’ kakinaanNa.

1 OSSORANNA DATU 16:26

Belanna iatu mai deatanna mintu’ bangsa, kapenomban tang tongan. Apa PUANG Ia tu ungkombong langi’.