AYUB 9:5 - Sura' Madatu

⁵ Iamo umpalele buntu, anna tae’ tau unnissanni, Ia umbalittua’i napobua’ kare’dekan ara’Na.

AYUB 9:5 Referans Kwoze

LUKAS 21:11

sia la den pembuda ra’ba biang sia lino’ kapua dio lu ba’tu pira-pira tondok sia karorian sia penggauran dikataku’ sia tanda kalle-kallean kapua dao mai langi’.

MATIUS 27:51

Pakalan natipa’duamo tu kulambu lan Banua Kabusungan, tempon dao mai sae rokko; sia tiseno-seno tu padang; sia iatu mai buntu batu silalla-lalla.

KADA OMBO’ LAKO RASULU’ YOHANES 11:13

Iatonna attu ia dukato saemi lino’ kapua, naurunganni mangsan taa sangpulona tu tondok iato; pitungsa’bu tau mate belanna lino’ iato, na iatu torronapa lendu’ mataku’na, anna pakala’bi’i tu Puang Matua dao suruga.

HABAKUK 3:10

NatiroKomi tu mintu’ buntu, anna ma’parondo, lendu’mi tu uai buda tibarrak dao mai, iatu uai buda diong aa’ mi’lan mongngo’ sia unnangka’ limanna langngan.

KADA OMBO’ LAKO RASULU’ YOHANES 6:14

Sia iatu langi’ tikaririk butung sura’ dilulun, sia mintu’ buntu sia lebukan tipalengka’ dio mai inanna.

MATIUS 21:21

Mebalimi Yesu sia Nakua lako tau iato mai: Tonganna tongan Kukua lako kalemi, iake denni kapatonganammi sia tae’ mibata-bata, tae’ nasusinna manna te dipogau’ lako kayu ara ma’din mipogau’ sangadinna iake mikua ungkuanni te buntu: Tiangka’ko ammu tipembuang rokko tasik, tae’ natang dadi.

1 KORINTUS 13:2

Sia moi angku appa’ pa’kamase ma’nubua’, sia unnissan mintu’ membuninna sia mintu’ kapaissanan, sia moi angku ampui kapatonganan tae’ sayuanna, naurunganni ma’dinna’ umpalengka’ buntu, apa ke tae’i kuampui pa’kaboro’, manassa moi misa’ tae’ patungku.

ZAKHARIA 4:7

Mindarako, e buntu malangka’? Dio tingayona Zerubabel la dadiko padang marante, la natassu’i tu batu daona lu naunnarrak-arrak tu tau, nakua: Salama’, salama’ lako kalena.

HABAKUK 3:6

Ke’de’Mi anNa patigega’i te lino; mentiro tiku lao anNa patike’kenni tu mintu’ bangsa, mintu’ buntu tempon dio mai bake, sia mintu’ tanete dolo-dolona tuan; iatu mintu’ lalan dolo-dolona, lalanNa Puang.

YESAYA 40:12

Mindamora ussuka’i pala’na tu uai sia mindamora undangkanni limanna tu langi’ sia ungkararoi tu barra’-barra’ lan lino sia untimbangi dating tu mintu’ buntu sia umpalangnganni timbangan tu mai tanete?

PA’PUDIAN 114:6

E kamu buntu, ma’aparokomi ammi tibuang-buang len susi domba laki? Sia e kamu tanete ammi tenra anak domba?

PA’PUDIAN 68:8

O Puang Matua, iatomMi sun lumingka dolo dio tingayona taumMi sia iatomMi olai padang pangallaran. Sela

PA’PUDIAN 46:2

Iatu Puang Matua iamo pentilindungangki, sia oto’na kamatotorangki, misa’ pa’tunduan tongan lan kapussakan.

AYUB 28:9

Natoemo tolino tu batu makarra’ sia nasuale tu buntu randuk dio mai oto’na;

AYUB 26:6

Iatu lino tomate tibungka’ lako Puang sia iatu bambana mukkun tae’ sambona.

AYUB 34:25

Iamoto, Napalan penaai Puang tu penggauranna, sia Napessambakan Puang tu tau iato ke mabongi, naurungan disanggang tu tau iato mai.

AYUB 41:11

Lan mai to’tok illongna nanii tassu’ rambu, susito kurin re’de ma’kalimbuang-buang.

AYUB 40:11

Tiroi tu kamawatanganna lan to’ aakna, sia kamabukuanna lan to’ ura’ tambukna!

NAHUM 1:5

Tigega’ tu mintu’ buntu dio oloNa sia mintu’ tanete tuan; sia tiseno-seno tu kuli’na padang dio oloNa, ondongpi tu lino sola mintu’ issinna.

NAHUM 1:6

Minda la unnattai bendan dio olo katorrong-torronganNa? Mindara la umpatananni tu kasengkean ma’lana-lananNa? Iatu kare’dekan ara’Na tibarrak susi api sia iatu mai buntu batu tesse-tesse dio oloNa.