AYUB 8:9 - Sura' Madatu

⁹ Iake kita to dadi sangmai’ki’, moi misa’ apa tae’ taissan; belanna susito bayo-bayo tu allo katuoanta dao kuli’na padang.

AYUB 8:9 Referans Kwoze

1 OSSORANNA DATU 29:15

Belanna kami te to sae sia to mentiruran dio oloMi, susi mintu’ nene’ to doloki; iatu allo katuoangki susi bayo-bayo dao kuli’na padang, tae’ nadiranuan.

PA’PUDIAN 144:4

Iatu to lino ten to damo’, sia iatu sunga’na butung bayo-bayo pa’de poton.

AYUB 14:2

Susito bunga tiballa’ anna malayu, sia lendu’ susito bayo-bayo sia tae’ natontong.

PA’PUDIAN 102:11

Diona kare’dekamMi sia kasengkeamMi. Belanna mangkamo’ Miangka’, amMi tibe polena’ sule.

AYUB 7:6

Kamatirasanna alloku losong anna panikuan, sia madomi’ sae lako upu’na sia tae’ tu dirannuan.

KADADIAN 47:9

Mebalimi tu Yakub lako Firaun: Iatu taun kamempueangku saratu’ tallungpulomo taunna. Sidi’mora naponno nasang kamasussan tu katuoangku, tae’ napada katuoanna to doloku tonna mempue.

PA’PUDIAN 90:4

Belanna iatu passangamMi sangsa’bu taunna, butungri to allo sangmai’ mane mangka lendu’, sia butung sangteponari bongi.

PA’PUDIAN 39:5

O PUANG, paissananna’ tu lampakku, sia sangapara lambe’na tu sunga’ku, angku issanni tumba katangmarendenganna a’gangku.

2 OSSORANNA DATU 10:6

Ma’kombongammi tu datu Rehabeam sola mintu’ to matua-tua, tu naala parea Salomo, ambe’na, tonna tuo siapa, sia ma’kada nakua: Umbara susitu timbangammi la kubalianni te to buda?

AYUB 8:10

Tang la naada’irokoka tu tau iato sia tang la napokadanrokoka, sia la umpatassu’ kada lan mai ba’tengna?

AYUB 32:7

Kutangnga’ kumua: Melo ke to matua induk tu ma’kada, sia to banu’ karurungan umpa’peissananni tu kakinaan.

AYUB 14:1

Iatu tolino tu nadadian baine, tang masae lako tu allo katuoanna sia nabossa kamagiangan.

PA’PUDIAN 82:5

Tau iato mai tae’ tangnga’na sia tae’ paissanna, tontong bang lolang nakabu’ kamalillinan; ia dukamoto anna tigega’ tu mintu’ parandanganna te lino.

PA’PUDIAN 102:12

Iatu katuoangku susito bayo-bayo kalando, sia malayuna’ ten to riu.